Matyu 21:5 - Udél Dwata: Gna Kesfasad ne Lomi Kesfasad

⁵ “Hol tulón ye yó kem tau menwu bè Sayun, mon ye, Ngem deng sut yóm tau hol geta bélê ye, tau là kóen hegeta knô, smakay asnu. Snakayen yóm nati asnu.”

Matyu 21:5 Referans Kwoze

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Tekang Kbuten 49:10

Yóm tuged gel nogot yóm tau hol geta mò ilô yóm kfasangen mogot tau, là kóen lana bè kun ból Juda efet kól yóm sotu sfuhen hol mfun du mogot yóm klamangen. Bè yóm kkólen, gotu nimón yó kem tau bè klamangen benwu.

Husiya 1:7

Okóm yó kem tau bè Juda, angat hegfanu bélê le yóm kkoduhu kul. Tódô ou angat lemwà kul lem tdok yó kem hohon le, bede là mlanen bè gida ne là mlanen bè boho le duhen ke bè sudeng le. Là mlanen bè yó kem tey kudà le duhen ke bè yó kem sendalù smakay kudà, bede mlan bè yóm dou kfasang yóm sana kul Dwata hol gónó mogot.”

Isaya 40:9

Ó kem tau bè Jirusalim, mneged ye eta yó kem bulul, heglalag ye bè yó yóm tulón hyu. Yu kem tau bè Sayun, hol hgel ye dé yóm udél ye, heglalag ye yóm tulón hyu. Hol tulón ye, bê ye abay hlikò. Tulón ye bè tu kem benwu lemnek bè Juda, móyónen kól ne yóm Dwata le.

Isikél 37:24

Yó angat geta bélê le, duhen Dabid yóm tau tóbóng lówóhu. Tek sotuhen yóm semgyok kul. Ne tey kimón le du yó kem hlau ne yó kem dou hlolò kul.

Isikél 34:24

Ne angat ou se yóm mò Dwata le ne yóm tau semfu gu bè Dabid yó yóm tóbóng lówóhu, du se mò geta bélê le. Ou se yóm sana Dwata hol gónó mogot yóm mudél ni.

Matyu 11:29

Tles nbô ye dé yóm dou nbô, ne hol ye dmalang béléu, abay se ganag nawahu, ne là kóe hegeta knô. Ke yó se kuy nmò, là kô ye na e bud miteg.

Matyu 2:6

‘Nim Bitlihim, sotu benwu udì glem bè yóm kun benwu Juda. Balù yóm tey kudien, là kóen na a glaan bè yó kem syudad bè yó, yakà bè nim benwu udì ni gónón sut yóm tau mò malak yó kem dou tau Israél.’ ”

Matyu 2:2

“Gónóhen seblà sut de yóm ngà mò angat geta bè yó kem Ju? Deng ton me gu ditu bélê me yóm blotik mò ilô yóm ksuten. Nim nógów me ni, na me e hnódó.”

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

2 Kurin 10:1

Ou se Pol yóm mudél ebélê ye ni. Deng gungolu wen se bélê ye mon du kun, “Tey yóm Pol, gel mudél hdana ke nô bè ni. Kulel kehwiten udél des ke nô bè benwu mayuk.” Okóm bè nim gna udél hwitu ebélê ye ni, là desen, mom hlanu bè yóm tey kganag nawa Krays.

Kem Lingón 9:14

anì bud dóyónu uu bè gónón wen bè bak tikeb Jirusalim, anì hligale dmóyón kóm bè yó lemwót bè yóm deng kehewaem dou.

1 Bok Kem Tau Hol Geta 10:26

Deng bud nwa Selumun snéen yó kem klitun tók gel nit le bè sgida ne yó kem kudà gel mit kul. Yó kwen yó kem klitun tóken, botong lemibu fat latu, ne sfolò lewu libu kudà lembangen. Yóm dumu yó kem kudaen suen lu bè yóm kun benwu bè Jirusalim anì moni le béléen, ne yó kem dumuhen suen bè yó kem dumu syudaden gónón nô yó kem klitun tóken.

1 Bok Kem Tau Hol Geta 1:33

yó mon yóm tau hol geta mò kul, “Nwit ye Selumun ne yó kem genlalu etu bè Sfut Él Gihon. Hol hsakay ye ke Selumun yóm dou kudà asnu.

2 Samwél 16:2

Yó udél yóm tau hol geta ebè Siba, monen, “Tedu de muhem du ni kem ni?” Bnalà Siba, monen, “Yó kem kudà asnu mò snakay yó kem tauhem, ne yó kem mambang ne yó kem bungu koyu mò ken yó kem sendalù mung kóm. Dalang se yóm tifas grép mò ninum yó kem lenmek bè yóm benwu laen hol wen tauhen.”

Kmukum 5:10

Hol ye hmungol dé, yu kem tau wen boluyen smakay kudà asnu bukay, yó kem fen myón ta afid tilob. Dalang se kuy, yu kem tau fen gel tmonok, hol ye hmungol.

Dwata 17:16

Yóm tau nélék ye, hyu ke là hwenen du kem kudaen mò snakay yó kem sendaluen ne là se hyuhen ke wen tau hógówen mò na a bemli kudà bè Idyip, abay se deng tehe mon Dwata mò kuy hol bê ye abay bud mulék ebè Idyip.

Lista 24:19

Angat sut yóm tau malak kul ne gotu genlaen yó kem dù mowil bè yóm benwu boluyen Ir.”

Kun Snulat Jan 1:49

Mon Natanyél se, “Tahu, Sér, uu se yóm Ngà Dwata. Uu se yóm tau hol geta bè yó kem tau Israél.”

Matyu 21:6

Tahu se, lemwót yó kem lewu hógówen yó koni, tódô nmò le se yóm deng mon Jisas mò kul.

Kun Snulat Luk 24:27

Ne gotu hetngón Jisas kul yóm gónón e temnef yóm tehe gel hsulat Dwata ekni gbak ebéléen, kewóten bè yóm tehe snulat Musis efet kól bè yóm kul snulat yó kem dumu tau tugod Dwata ekni.