Matyu 21:46 - Udél Dwata: Gna Kesfasad ne Lomi Kesfasad

⁴⁶ Yó nmò le, tódô tô kendel kenfô le, okóm likò le yó kem tey tau wen sbung bè yó, yakà hentahu le du hol tugod Dwata yóm Jisas.

Matyu 21:46 Referans Kwoze

Matyu 21:11

Bnalà yó kem tey tau sbung, mon le, “Ni se yóm Jisas, yóm tugod Dwata lemwót bè Nasarit, yóm sotu benwu bè prubinsya Galili.”

Matyu 21:26

Ke bud mon tekuy se lemwót bè tau, déke mom wen sidek nmò le bélê tekuy yó kem tau, abay se bè kul kehedem du, hol tau tugod Dwata yóm Jan.”

Kul Nmò 2:22

Ne bud mon Pitér, “Ó kem dou dumu tau Israél, hol hnungol ye nim monu mò kuy ni. Yóm Jisas lemwót bè Nasarit, deng hógów Dwata edini lem benwu. Yó gónó Dwata hdilô du yóm khógówen du, duhen yó kem hentaw ton deng gel hmò Dwata du lem blóng tekuy. Tódô gotu tngón ye snéen kuy ni kem ni, abay se deng tehe nmoen lem blóng ye bè ni.

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

Kun Snulat Luk 7:39

Timbow ton yóm Farisi mit ke Jisas nim nmoen ni, yó hendemen, “Ke tahu tau tugod Dwata nim Jisas ni, hol là galu ke là tngónen du nim libun mogot du ni, ne yóm sidek gel nmoen.”

Kun Snulat Luk 7:16

Tódô le se gotu likò yó kem tau mton du, mung du yóm tey kdóyón le ke Dwata, mon le, “Deng sut lem blóng tekuy yóm tugod Dwata alì mfasang.” Mon kem dumu, “Deng kól lem blóng tekuy ne Dwata nan e lenwà kem kun tau.”

Kem Udél Hlalak Tehe Selumun 15:12

Yóm tau gel semdekà là kóen móyô bnólów ne là se kóen halak bè yóm tau hulung hedem.

Matyu 21:45

Ne tódô tngón yó kem geta bè yó kem gel demsù ebè Dwata ne yó kem Farisi yóm kegbaken ebélê le yó kem hningón Jisas yó.

Matyu 22:1

Bud wen tulón Jisas kul hlanen bè hlingón, monen,

Mark 11:18

Ne gungol le se kul yó kem geta bè yó kem gel demsù ebè Dwata, ne yó kem tau gel tmolok hlau yóm deng nmò Jisas yó. Yó nmò le, mebel le lan le hmatay du, okóm likò le béléen, abay se tey tau wen gel hmungol du yóm ktoloken, ne tey kehtaw le du.

Kun Snulat Jan 7:30

Bè yóm kmon Jisas du yóm yó, deng tódô tô senkfô le, okóm là gmò le du béléen abay se là dengen hto he yóm buteng Dwata hemlus du ebélê le.