Matyu 21:44 - Udél Dwata: Gna Kesfasad ne Lomi Kesfasad

⁴⁴ Yóm botu monu yó koni, ke wen tau btang etahen, tódô gotu mfutul lówóhen. Ne ke wen tau gdilanen, tódô gotu lemuna.”

Matyu 21:44 Referans Kwoze

1 Pitér 2:8

Ne wen sotu monen bè Sulat Dwata, yó monen, “Yó se yóm botu angat geslob yó kem tau, ne hlós le tlokob du.” Tahu se yóm yó. Tlokob le du lemwót bè yóm là kimón le du yóm Udél Dwata. Tu se tehe eles olu Dwata ebè yó kem tau là mimón le.

Sulat Pol Ebè Yó Kem Tau Hemtahu Bè Rom 9:33

yóm tehe tulónen bè sulaten, yóm monen, “Ngem deng wen botu suu lem blóng le bè syudad Sayun. Yó se yóm botu geslob yó kem tau, ne hlós le glokob du. Okóm yóm tau hemtahu béléen, là kô wen gónón gsel du.”

Kun Snulat Luk 20:18

Yóm botu monu yó koni,” mon Jisas, “ke wen tau btang etahen, tódô gotu lemuna lówóhen. Ne ke wen tau gdilanen, tódô gotu meblibù.”

Matyu 27:25

Ne mon le se, “Tódô kum nbô ne litóen nim tau ni, dalang se kem kum ngà.”

1 Tisalunika 2:16

Bud lu se hemseng kum bè yóm gel ktolok me bè yó kem dumu tau là Ju le yóm lan le gewà gu lem hatay. Bè nim nmò le ni gónón deng tmakas Dwata. Ne ni, deng nô ta le ne yóm ktafaken kul.

Matyu 26:24

Yóm Ngà Tau nan na matay he,” mon Jisas, “lómón yóm deng tehe eles tulónen bè Sulat Dwata. Bede tey angat kegtafaken yóm tau bemlay sumóng. Mom tumù ne ke béen dog tehe tau.”

Sikaraya 12:3

Bè yóm kdaw yó, bud nmou Jirusalim lómón ke botu alì blat. Nô kihu benwu tô mkay du angat wen tey gfaen. Ne yóm kdéen benwu talak tonok angat le gotu stifun na le e nundug Jirusalim.

Kun Snulat Jan 19:11

Mon Jisas se, “Laen kô dù kwalisem béléu ke là deng blay Dwata du kóm. Yó gónóm mon, bong salaen sentahem yóm tau heted do ebéléem.”

Isaya 60:12

Okóm yó kem benwu là mimón kóm, angat gotu genbau.

Kem Lingón 2:12

bè yóm keheglaan ye béléen. Déke kendel msut lebuten, ngem kà tódô ye matay mekto. Tey kehligal le kul yó kem tau tendo gel hofin béléen.

Kem Lingón 2:9

Ke wen kembê du yóm kogotem kul, gotu genlaem lu. Yó kmò keglaem kul, lómón ke bnogulem bala tók yóm kuleng tonok, gotu lemusok.’ ” Yó se udél Dwata ebè yóm tau tehe néléken mò mogot benwu.

Isaya 28:13

Yó se gónó Dwata tmolok kuy mlan bè ket sotu betek ne bè ket sotu ktol ne bè ket sotu hennagì. Bè yóm angat kegef le kuy sónmò ye tlokob. Ne wen tey halì ye laen kô dù lan ye gewà, yakà deng ye gotu baling tau negef.

Matyu 21:43

Tódô tulónu kuy,” mon Jisas, “lemwót bè yóm kekbê ye du yóm botu yó, là kô ye bud gmung ne bè yó kem tau nogot Dwata. Yó bud tles nogoten yó kem tau mò du yóm nóyóen.

Matyu 21:45

Ne tódô tngón yó kem geta bè yó kem gel demsù ebè Dwata ne yó kem Farisi yóm kegbaken ebélê le yó kem hningón Jisas yó.

Kun Snulat Luk 2:34

Omin Simyun mni bè Dwata bélê le. Ne ominen mon du mò ke Midi, yóm yê Jisas, monen, “Nim ngà ni, deng eles nélék Dwata mò gónóhen lemwót tmafak yó kem dumu tau Israél, ne mò gónón lemwót lemwà kul gu lem hatay yó kem dumu. Du se ilô lemwót gu bè Dwata, okóm angat tey dê tau semkbê du.