Matyu 21:39 - Udél Dwata: Gna Kesfasad ne Lomi Kesfasad

³⁹ Tahu se. Tódô sensogot le yóm ngaen, ne tudà le hulé labat ne ditu gónó le hmatay du.”

Matyu 21:39 Referans Kwoze

Kul Nmò 2:23

Lemwót bè yóm tehe olu Dwata du, yó gónón hemlus du elem tdok ye. Ne lemwót ye se kuy, tódô eted ye ebè yó kem tau là temngón ke Dwata anì hnatay le. Tahu se, hnatay le, duhen yóm le ktutuk le du bè kros.

Sulat Jim 5:6

Deng dnuón ye yó kem tau laen dù salaen bélê ye, ngangen efet ghatay ye lu. Tódô le kem hegbayà bélê ye.

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

Kun Snulat Jan 18:12

Omin le kemfô ke Jisas yó kem sendalù lemwót bè Rom, mung kul yóm kfitan le, ne yó kem Ju gel mentey bè Gónô Dwata. Nfét le Jisas.

Matyu 26:57

Kewót le bè yó ne, nit le Jisas ebè gónô Kyafas yó kem tau kemfô du yó koni. Nim Kyafas ni, geta bè yó kem tau gel demsù ebè Dwata. Deng le eles gotu stifun bè yó ne yó kem tau gel tmolok hlau ne yó kem tau tuha gónó le gel galak yó kem Ju.

Kul Nmò 5:30

Yóm sana kul Dwata yó kem tehe fù tekuy, du se yóm bud le hlowil ke Jisas. Yu se tehe hmatay du, htutuk ye bè kros.

Kul Nmò 4:10

hyu se ke tngón ye, ne hyu snéen ke tngón yó kem kdéen tau Israél. Yó gónón baling hyu nim tau tehe kihod mdà bè solu ye ni, tódô lemwót bè kfasang yóm kun boluy Jisas Krays lemwót bè Nasarit. Du se yóm deng tehe htutuk ye bè kros ne matay, okóm deng bud hlowil Dwata.

Kun Snulat Jan 18:24

Timbow deng ksólók Anas ke Jisas, ominen hemwit du igoen tolo nfét ebè Kyafas, yóm hol geta bè yó kem gel demsù ebè Dwata.

Matyu 26:50

Omin Jisas mudél ebè Judas, “Yó ne, Wè, géhél nmoem yóm nógówem.” Omin le gotu demlu kemfô ke Jisas, ya tey kget kogot le du.

Matyu 21:38

Okóm timbow ton yó kem tau mogot hulu yóm ngaen yó, mom mon le, ‘Yó nii yóm ngà yóm tau fun hulu. Lemwót kuy ne, na tekuy e hnatay anì gfun tekuy yóm tonok angat nfunen.’

Matyu 21:40

Omin Jisas bud mon du mò kul, “Ke deng kól bè yó yóm tau fun hulu, tedu se angat nmoen bè yó kem tau deng tehe snaligen yó?”