Matyu 21:35 - Udél Dwata: Gna Kesfasad ne Lomi Kesfasad

³⁵ Timbow le kól ditu yó kem tau dóken, deng mom yó nmò le bélê le, tódô sensogot le lu. Tey sidek kboug le yóm sotun, ne hnatay le yóm sotuhen, ne sentudà le botu yóm sotuhen.

Matyu 21:35 Referans Kwoze

Nihimaya 9:26

Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

Matyu 5:12

Hol hnigal ye dé ke lómón yó kmò le kuy, abay se deng wen tey ofol deng eles fan Dwata kuy bè longit. Yóm keglayam ye yó, hol lómón sem yó ne yóm tehe kul keglayam yó kem tehe gna tugod Dwata ekni.”

Deng Hegfan 6:9

Timbow bud monol yóm yó koni, omin yóm Ngà Ubiha mkó yóm glimuhen dket bè yóm sulat lenulun. Tódô tonu laan yóm gónó le gel demsù ebè Dwata lóyóf yó kem tau tehe matay bnonok lan le tehe gel mit yóm Udél Dwata, ne lan le gel tmulón du yóm ktahuhen gbak ebè Jisas Krays.

Jirimaya 2:30

Deng tnafaku yó kem ngà ye, okóm là kô le medlà. Là kô le mimón. Bud yu se yó kem tau tendo gel hmatay yó kem tau tugodu, lómón ke yu yóm liyun tendo módód msék.

2 Tutul Israél 16:10

Deng mom lenbut Asa Hanani yóm tau gel wen hton Dwata du, yó gónón heblanggù du. Bè yóm kdaw yó, nbut Asa bè yó ne tendo hemgnok kul yó kem dumu tau nogoten.

1 Bok Kem Tau Hol Geta 22:24

Omin Sidikaya, ngà Kinaana, tódô mógów ebè Mikaya nan e tódô dnofì lem uyóhen, yó monen, “Kilón de ktagaken do yóm Tulus Dwata anì nan e stulón kóm?”

1 Bok Kem Tau Hol Geta 19:10

Bnalà Ilaydya se, monen, “Ó Dwata, tey kinì nawaw mimón kóm yóm Dwata laen dù là gbeken du. Okóm yó kem tau Israél, deng nulé le yóm tehe fasad le kóm, deng gotu genbà le yó kem gónó demsù ebéléem, ne deng gotu hnatay le yóm kdê tugodem. Tek són ou dù tebel, ne tô le mebel lan anì hnatay le o.”

1 Bok Kem Tau Hol Geta 19:2

Omin Jisébél hemwit udél ebè Ilaydya, monen, “Ke là bud nmou du béléem se kóm yóm deng nmoem bè yó kem tugod Baal, hol hnatay le o he yó kem dwata lennged ke là dengi matay lómón ni kdaw haya.”

1 Bok Kem Tau Hol Geta 18:13

Là tulón le du kóm kô, Sér, yóm tehe tô gotu khatay Jisébél yóm kdê tugod Dwata, lematu bnosu bélê le, lewu kilib gónóhu hemsù kul, ne bud netedu lu ken he ne él.

1 Bok Kem Tau Hol Geta 18:4

Ne bè yóm kdaw gotu tô khatay Jisébél yóm kdê tugod Dwata, yó nmò Ubadaya botong lematu tugod Dwata bnosen bè yóm lewu kilib. Ket limu folò kebnosen kul, hyu benlayen lu ken ne él.)

Jirimaya 26:8

Okóm tikóng deng ktulón Jirimaya du yóm kdê htugod Dwata du, lemwót yó kem tau gel blóng ebè Dwata ne yó kem tugod Dwata ne kdê yó kem dumu tau nô bè yó tódô kenfô le Jirimaya, omin le hetê, mon le, “Hnatay tekuy.

Jirimaya 37:15

Ya tey kebut le ke Jirimaya yó kem genlal efet hfes le ne bnanggù le lem gónô Junatan yóm tau fen gel smulat bélê le bè kukum. Yóm gónóen yó deng nmò le mò gónô blanggù.

Matyu 21:34

Tikóng deng kól bè kbunguhen yó kem huluhen yó, wen kem tau dóken ebè yó kem tau deng tehe hogoten du anì hwit le ebéléen yóm kun bad.

Matyu 21:36

Ominen bud wen tau hógów yóm tau fun hulu yó koni, malù le wadag. Senged snéen kmò le kul yó kem tau mogot hulu.