Matyu 21:33 - Udél Dwata: Gna Kesfasad ne Lomi Kesfasad

³³ “Ni hnungol ye,” mon Jisas, “wen bud sotu hningónu bélê ye. Wen sotu tau lamang huluhen yóm sotu kay mungu boluyen grép, ne lenabaten gu hilolen. Ne ominen mò yóm angat gónó le kemmes élen, ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen, ominen lemwót milo ebè yóm sotu benwu.

Matyu 21:33 Referans Kwoze

Jirimaya 2:21

Moen de ke lómón ni nmò ye? Igoen bè yóm tehe khuluhu kuy, lómón ke yu yóm lefà grép alì mgélék. Okóm moen se ni du ke deng ye mkél bè yóm lefà grép tmowok lem bnes laen dù bud muhen?

Kun Snulat Jan 15:1

Bud mon Jisas, “Lómón ke ou yóm hol tahu hulu, ne Mà yóm fen semgyok du.

Kun Snulat Luk 19:12

Yó hningónen bélê le, monen, “Wen sotu tau kesfu datù. Tinok yóm tau hol geta bè yóm sotu benwu mayuk anì nan e ma glalen mogot yóm kun benwu. Ke deng gwahen yóm glalen, yó he kuléken.

Husiya 4:1

Ó kem tau Israél, hol hnungol ye udél yóm sana Dwata hol gónó mogot. Deng wen duónen kuy yóm kdê ye nô lem yóm kuy benwu ni, monen, “Là teneb ye béléu, laen dù kesbong nawa nô bélê ye ne laen dù bélê ye deng temngón do bè benwu ye.

Mark 13:34

Hol lómón yóm tau mógów ebè yóm sotu benwu mayuk. Gu laanen là deng lemwót, nan eles tulón yó kem tau mò nmò béléen yóm hmoen kul, yóm ket kul na sotu. Ne tulónen yóm tau fen mentey bè bak tikeb anì eles ningaten yóm kkólen.

Matyu 23:2

“Yó kem gel tmolok hlau ne yó kem Farisi, wen se kul glal tmolok du yóm hlau Musis.

Matyu 21:28

Omin Jisas bud mon du mò kul, “Tedu de kmò kehedem ye du nim nii? Wen sotu tau lewu ngaen logi. Lemwót yóm mà le, mógów ebè yóm ngaen twogu, ne monen mò du, ‘Ó ngà, nam e mò kut nmò bè gónó mulu grép dé kemdaw ni.’

Matyu 13:18

“Ni hnungol ye,” mon Jisas, “yóm lan yóm hningónu yó koni bè yóm tau smohul.

Jirimaya 19:3

Yó tulónem kul, monem, ‘Yu kem tau hol geta mogot yóm benwu Juda ne yu kem tau bè Jirusalim, hol hnungol ye yóm udélen ebélê ye ni yóm Dwata laen dù là gbeken du, yóm sana kuy Dwata kem tau Israél. Yó udélen ebélê ye, monen, angat wen tey glumfak bong hwitu ebè nim benwu ni, anì yó kdê yó kem tau mungol du nim nmou ni, angat le tódô gotu teneng.

Isaya 1:10

Ó Jirusalim, yó kem tau mogot kóm ne yó kem tauhem deng le mkél bè kul alì ksidek nmò yó kem tau tehe menwu bè Sodom ne Gomora. Hol hnungol ye dé yóm kdê ye yóm udél Dwata ebélê ye. Hol kenmón ye dé yóm hdalangen kuy.

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Matyu 20:1

Bud mon Jisas mò kul, “Yóm kogot Dwata tau, hol lómón ke yóm sotu tau lamang grép huluhen. Sotu kdaw, tódô temkifu lemwót na a mebel tau mò nmò bè yóm huluhen yó.