Matyu 21:32 - Udél Dwata: Gna Kesfasad ne Lomi Kesfasad

³² Ngem yó dém le ksut Jan lem blóng ye yóm tau gel mabtays. Tey kehetngónen du kuy yóm lan hyu bélê ye, okóm là kô ye dog himón. Deng mom yó mimón du yó kem tau gel mtuk bwis ne yó kem libun hdóyón. Igò ye sem deng gotu mton du nim ni, ewenem là kô tenles ye du kehedem ye, là kô dog hentahu ye du yóm gel tulón Jan kuy.”

Matyu 21:32 Referans Kwoze

Matyu 21:25

Ni snólóku bélê ye. Bè yóm tehe gel kbabtays Jan yó kem tau, gónón lemwót de kwalisen mò du? Lemwót bè Dwata kô, duhen ke tódô lemwót bè kem tau?” Omin le na stulón són lu yó kem tau smólók ke Jisas yó koni, mon le, “Tedu kmò kbalà tekuy du du? Ke mon tekuy se lemwót bè Dwata, dô monen, ‘Moen de ke là hentahu ye du?’

2 Pitér 2:21

Mom hyu bélê le ke là deng tehe tngón le du yóm lan tedeng senta yóm deng ketngón le du, ne omin le kmogol du yóm hlau Dwata deng tehe hetngón le kul yó.

Deng Hegfan 2:21

Igoen deng wen kdaw blayu du anì hegsel, okóm là kóen móyô mkó du yóm gel ksamuken.

Hibru 3:12

Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.

2 Timuti 2:25

Ne ke wen tau semkuya du yóm kun tulón, hol hen-ganagen nawahen tmulón du kul yóm gónó le là segtud. Déke fen tenles Dwata he yóm hendem le, ne dilô le yóm hol ktahuhen,

Matyu 11:18

Ngem yó dém kkól Jan lem blóng ye,” mon Jisas, “gel fasting se kun, ne là kô ninumen du kun yóm ninum lóbô. Okóm deng mom slón ye du, ‘Tau wen malak du.’

Jirimaya 6:16

Yó udél Dwata ebè yó kem tauhen, monen, “Mdà ye bè yóm gónón sesyat lan. Hnebel ye yóm lan deng legen, yóm lan hol tahu duhen ne yó lolò ye. Bè yóm klolò ye du yóm lan yó, bè yó gónón menek kegnóm ye du. Okóm deng mom yó balà ye dou, mon ye, ‘Là. Là yó du yóm lan nóyô me.’

Isaya 35:8

Bè yóm benwu yó, angat wen tey lan lamang gu lemen. Yó boluyen, “Lan Mólós.” Laen dù tau mò sidek ke gemlan bè yó. Laen dù tau nungel mit hetlas yó kem dumuhen bè yóm lan yó.

Matyu 5:46

Bê ye abay tô hendón ke wen ofol blay Dwata kuy ke són yó olo kenbong nawa ye, són yó kem tau kembong nawa kuy. Balù yó he kem tau gel mtuk bwis, sana kul kesbong nawa se kul.

Matyu 21:31

Bud mon Jisas, “Mahi du de bélê le mimón ke mà le?” Ne mon le se, “Yóm ngaen twogu.” Omin Jisas bud mon du mò kul, “Tódô tulónu kuy, mom gna mung bè yó kem tau nogot Dwata yó kem tau gel mtuk bwis, ne yó kem libun hdóyón. Là kuy, là kô ye na a gmung.