Matyu 21:31 - Udél Dwata: Gna Kesfasad ne Lomi Kesfasad

³¹ Bud mon Jisas, “Mahi du de bélê le mimón ke mà le?” Ne mon le se, “Yóm ngaen twogu.” Omin Jisas bud mon du mò kul, “Tódô tulónu kuy, mom gna mung bè yó kem tau nogot Dwata yó kem tau gel mtuk bwis, ne yó kem libun hdóyón. Là kuy, là kô ye na a gmung.

Matyu 21:31 Referans Kwoze

Kun Snulat Luk 7:29

Ni kem tulón Jisas ni, tey dê tau hmungol du kkólen bè yó kem tau fen gel mtuk bwis. Lu se yó kem tau deng hbabtays ke Jan abay se deng dilô le yóm tey kehyuhen yóm hlolò Dwata kul, ne deng le mimón.

Matyu 7:21

“Là kô kdéen du yó kem tau mon du ou yóm gónó le mogot, angat gmung bè yó kem tau nogot Dwata,” mon Jisas. “Tek són olo gmung yó kem tau mimón yóm kun kóyô yóm Mà bè longit.

2 Pitér 3:9

Okóm bè kul kehedem du kem dumu tau, tey ganggà kmoen du yóm tehe fasaden tekuy yóm gónó tekuy mogot, okóm là. Yó gónón là géhél semfulék, abay se monem nahen hanay nawahen bélê ye. Hol kóyóen ke laen dù tau gógów elem hatay, ne ke kdê le gotu kmogol du yó kem sidek gel nmò le.

Sulat Pol Ebè Yó Kem Tau Hemtahu Bè Rom 5:20

Bè yóm tehe kehsulat Dwata du ke Musis yóm hlauhen, yó muhen mò fen hdilô du bè kem tau yóm salà le. Balù tennga kbongen yóm salà kem tau, mom milud he kbongen yóm kun tóbóng Dwata.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Matyu 20:16

Ne bud mon Jisas mò kul, “Yó kem ghuli ni kmoen ni, angat bud gegna. Ne yó kem gegna ni kmoen ni, angat bud ghuli.”

Kul Nmò 17:30

Tehe yu ekni,” mon Pol, “là snolò Dwata du yó kem sidek nmò tau bè yóm klawi le là setngón ebéléen. Okóm nim kmoen ni, deng hnauhen yóm kdéen tau bè klamangen benwu anì hol knogol le yó kem sidek gel nmò le.

Kun Snulat Luk 19:22

Ne yó mon yóm tau kól yó, ‘Tey bakà nim uu. Bè yóm udélem yó gónóhu tmuled kóm. Igoem sem temngón du gele móyô smolò, gel nwahu yóm là do du, ne gel nutahu yóm là do hulu du.

Kun Snulat Luk 15:10

Tódô tulónu kuy,” mon Jisas, “hol lómón yó se kehligal yó kem hógów Dwata nô bè longit ke hegsel yóm sotu tau gemsalà.”

Matyu 18:3

monen, “Ngem nim ngà nii, là kô ktesen du yóm kegetahen. Tódô tulónu kuy ktahuhen,” mon Jisas, “ke là tenles ye du yóm kuy kehedem lómón yóm kun kehedem nim ngà ni, là kô ye na a gmung bè kogot Dwata tau.

Matyu 12:50

Abay se yóm tau mimón yóm kun kóyô Mà bè longit, hol lómón ke twolihu ne libunu ne yéu.”

Matyu 9:9

Bud kewót Jisas bè yó, tódô tonen yóm sotu tau fen gel mtuk bwis boluyen Matyu, myón bè fsinaen. Bè yóm kton Jisas du, tódô monen mò du, “Ó Wè, loloem o.” Ne tahu se, mung kdà Matyu bè yó, loloen Jisas.

Matyu 6:5

Ke mni ye bè Dwata,” mon Jisas, “bê ye dnalang kul kmò yó kem tau hemtedeng knô. Tey le móyô mdà mni bè Dwata lem gónó le gel stifun ne gu bè kilil lan bè gónón wen anì ton tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Matyu 5:18

Tódô tulónu kuy ktahuhen, bè yóm igoen tolo wen longit ne tonok, laen se kô mkó du yó kem tehe hlau Musis, balù sotu bè yó kem leneken, efet deng gotu dohò yó kem kdê tulónen.

Isikél 33:11

Okóm ni se udél yóm sana Dwata hol dandónen geta, monen mò kuy, ‘Yóm tulónu kuy ni, safau bélê ye hlanu bè yóm là katayu. Là kóe hligal du ke matay yóm sotu tau igoen tolo nô tahen yó kem salaen. Hyu nawaw ke tenfloken yóm kmoen sidek anì mowil. Ó kem tau Israél, tenflok ye ne yó kem sidek gel nmò ye. Moen de ke móyô ye kendel matay?’

Matyu 5:46

Bê ye abay tô hendón ke wen ofol blay Dwata kuy ke són yó olo kenbong nawa ye, són yó kem tau kembong nawa kuy. Balù yó he kem tau gel mtuk bwis, sana kul kesbong nawa se kul.

Matyu 21:30

Ominen bud mógów ebè yóm ngaen són twoli, ne senged se yóm kmonen du. Ne mon yó sem ngaen, ‘El, mógówe kdeng Mà.’ Okóm là sem dogen dohò.”

Kun Snulat Jan 3:3

Bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata yóm tau ke là nan ne bud hlomi sut.”

Kun Snulat Jan 3:5

Bud bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata ke là nan na mlan bè él ne bè yóm Tulus Dwata.