Matyu 21:26 - Udél Dwata: Gna Kesfasad ne Lomi Kesfasad

²⁶ Ke bud mon tekuy se lemwót bè tau, déke mom wen sidek nmò le bélê tekuy yó kem tau, abay se bè kul kehedem du, hol tau tugod Dwata yóm Jan.”

Matyu 21:26 Referans Kwoze

Mark 6:20

Abay se ke Hirod, wen klikoen ke Jan. Tódô tngónen tau tedeng kmoen, bà udì ke wen belenen, yó gónón gel mofin du. Tey móyô Hirod hmungol du yóm gel tulón Jan, okóm deng mom sónmoen sbeweg kehedemen bè yóm gel khungolen du.

Kun Snulat Jan 5:35

Yóm Jan, hol lómón ke solok, ne tey knóngen. Okóm tek likót ye tô hligal du yóm knóngen yó.

Matyu 21:46

Yó nmò le, tódô tô kendel kenfô le, okóm likò le yó kem tey tau wen sbung bè yó, yakà hentahu le du hol tugod Dwata yóm Jisas.

Matyu 14:5

Bè yóm kungol Hirod du yóm udél Jan yó, hol kóyóen ke tô kendel hfatayen Jan, okóm likò bè yó kem Ju, abay se dilô le hol tugod Dwata yóm Jan.

Matyu 11:9

Tedu se hol hnebel mata ye du bè yóm tehe gel kógów ye ebéléen yó? Tau tugod Dwata kô? Tahu se, tau tugod Dwata yóm Jan. Okóm yóm nmoen, mkay senta yóm kun nmò yóm tugod Dwata,

Kul Nmò 5:26

Ominen bud lemwót yóm kfitan, wen kem tau nalaken mung du, anì na le e bud nangay lu yó kem hógów Jisas yó. Tikóng ton le lu, là se kô gehsidek le kul, abay se likò le yó kem tau hmungol kul, déke sentudà le lu botu.

Kun Snulat Jan 9:22

Yó gónó le mon du yóm mon le yó, abay se likò le yó kem Ju wen glal le. Yakà deng mon le du, ke wen tau hemtahu ke Jisas ke du yóm Misaya, là kô bud hmung le du lem gónó le gel stifun yó kem Ju yóm tau yó.

Kun Snulat Luk 22:2

Bong yó kem geta bè yó kem tau gel demsù ebè Dwata kkólen bè yó kem tau gel tmolok hlau, sónmò le mebel lan le lemifut hmatay ke Jisas. Yó gónó le tô lemifut du, knikò le yó kem tau gel hmungol ke Jisas.

Kun Snulat Luk 20:19

Tódô tngón yó kem tau gel tmolok hlau ne yó kem geta bè yó kem tau gel demsù ebè Dwata yóm kegbaken ebélê le yóm hningón Jisas yó. Ne tódô tô kendel kenfô le bè yó, okóm knikò le yó kem dumu tau.

Kun Snulat Luk 20:6

Okóm ke mon tekuy lemwót bè tau, déke angat hnatay sentudà le tekuy botu yó kem tau, abay se bè kul kehedem du, hol tugod Dwata yóm Jan.”

Mark 12:12

Tódô tngón yó kem tau gónó le galak yó kem Ju yóm kegbaken ebélê le yóm deng hningón Jisas yó. Yó nmò le, tódô tô kendel kenfô le, okóm likò le yó kem tey tau wen sbung bè yó. Tódô sentagak le Jisas bè yó, ne mulék le.

Mark 11:32

Bud là hyuhen se ke mon tekuy lemwót bè tau.” Yó gónó le mon du yóm yó, abay se likò le bè yó kem tau, yakà bè kul kehedem du hol tau tugod Dwata yóm Jan.

Matyu 21:11

Bnalà yó kem tey tau sbung, mon le, “Ni se yóm Jisas, yóm tugod Dwata lemwót bè Nasarit, yóm sotu benwu bè prubinsya Galili.”

Matyu 21:25

Ni snólóku bélê ye. Bè yóm tehe gel kbabtays Jan yó kem tau, gónón lemwót de kwalisen mò du? Lemwót bè Dwata kô, duhen ke tódô lemwót bè kem tau?” Omin le na stulón són lu yó kem tau smólók ke Jisas yó koni, mon le, “Tedu kmò kbalà tekuy du du? Ke mon tekuy se lemwót bè Dwata, dô monen, ‘Moen de ke là hentahu ye du?’

Matyu 21:27

Omin le malà ke Jisas, mon le, “Là kô tngón me du balaen yóm snólókem yó.” Ne bud mon Jisas se, “Ke là tngón ye du balaen yóm dou snólók, là se tulónu du kuy gónón lemwót yóm dou kwalis mò du yóm deng nmou bè ni.”