Matyu 21:25 - Udél Dwata: Gna Kesfasad ne Lomi Kesfasad

²⁵ Ni snólóku bélê ye. Bè yóm tehe gel kbabtays Jan yó kem tau, gónón lemwót de kwalisen mò du? Lemwót bè Dwata kô, duhen ke tódô lemwót bè kem tau?” Omin le na stulón són lu yó kem tau smólók ke Jisas yó koni, mon le, “Tedu kmò kbalà tekuy du du? Ke mon tekuy se lemwót bè Dwata, dô monen, ‘Moen de ke là hentahu ye du?’

Matyu 21:25 Referans Kwoze

1 Jan 3:20

Baluen he ke tolo sidek kegnóm tekuy du bè yó kem tehe salà tekuy, tódô tngón tekuy yóm tey kehyuhen yóm Dwata, ne gotu tngónen se kun yóm kdéen.

Kun Snulat Jan 3:18

Yó gónóm mon, yó se tau hemtahu bè yóm Ngà Dwata, là kóen megtuled. Okóm yóm tau là hemtahuhen, deng megtuled ne, lemwót bè yóm là kehtahuhen du yóm tek són Ngà Dwata.

Kun Snulat Jan 1:15

Nim Jan ni, wen tulónen gbak ebè yóm bnoluy le Udél yó, hgelen udélen, monen, “Ni se yóm tau tehe monu sut huli dou, okóm du he yóm geta sentahu, abay se gu laanu là deng sut, deng sana kem yó ne kun.”

Kun Snulat Luk 20:5

Omin le stulón yó kem tau smólók ke Jisas yó koni, mon le, “Ke mon tekuy lemwót gu bè Dwata, déke angat bud monen, ‘Mò ye là hemtahu du se?’

Kun Snulat Jan 1:6

Wen sotu tau hógów Dwata boluyen Jan, yóm Jan gel mabtays.

Matyu 16:7

Stulón le són lu yó kem gel lemolò du, mon le, “Yó dô gónón mon du yóm yó, yakà klifót tekuy du mit mambang.”

Matyu 21:24

Bnalà Jisas se lu, monen, “Wen se dou snólók bélê ye. Ke tngón ye balaen, tulónu kuy se yóm gónón lemwót yóm dou kwalis mò du yóm deng nmou bè ni.

Matyu 21:26

Ke bud mon tekuy se lemwót bè tau, déke mom wen sidek nmò le bélê tekuy yó kem tau, abay se bè kul kehedem du, hol tau tugod Dwata yóm Jan.”

Kun Snulat Luk 14:4

Okóm tódô le gotu neb yó kem tau. Omin Jisas mogot yóm tau bnolok, ne hkóhen desen, ne monen mò du, “Muléki ne, Wè.”