Matyu 21:23 - Udél Dwata: Gna Kesfasad ne Lomi Kesfasad

²³ Bud mulék ebè Gónô Dwata Jisas. Yóm igoen tolo tmolok bè yó, sut le béléen yó kem geta bè yó kem gel demsù ebè Dwata ne yó kem tuha gónó le gel galak, mon le mò ke Jisas, “Wen kô kwalisem mò du ni kem deng nmoem bè ni? Tau du se bemlay kóm kwalis mò du?”

Matyu 21:23 Referans Kwoze

Kul Nmò 4:7

Tódô hdà le Pitér lewu le Jan bè solu le, yó snólók le bélê le, mon le, “Kmò kehdà ye du nim tau tehe kihod ni? Tau du de bemlay du kuy yóm ktued ye mò du? Boluy du de gónó ye hlan du?”

Kun Snulat Luk 19:47

Kewóten bè yó ne, ket kdaw Jisas gel tmolok lem yóm Gónô Dwata. Ne ya tey kesefebut le du yó kem geta bè yó kem gel demsù ebè Dwata, dalang se yó kem tau tmolok hlau, kkólen bè yó kem dumu tau gónó le gel galak yó kem Ju. Hol kóyô le ke hnatay le Jisas.

Matyu 26:55

Omin Jisas mudél ebè yó kem tey tau wen kemfô du, monen, “Tey, glok ye mit suk ne bogul nim na ye e kekfô dou ni. Ilóem tô heskél ye ou bè yóm tau gel mò sidek. Igou se gel myón tmolok lem Gónô Dwata ket kdaw, là se kô géhél kenfô ye do.

Kehewà 2:14

Ne yó balaen du yóm tau yó, monen, “Tau du de hembaling kóm mò gónó me mogot ne mò kmukum kum? Mone tô hnatayem o kô lómón yóm khatayem yóm tau Idyip?” Ya tey sidek klikò Musis ne yó hendemen, “Deng wen ne tau temngón du yóm nmou.”

Kul Nmò 7:27

Okóm deng mom tuluden Musis yóm tau alì hemsidek yóm dumuhen yó koni, ne monen mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?

Matyu 21:24

Bnalà Jisas se lu, monen, “Wen se dou snólók bélê ye. Ke tngón ye balaen, tulónu kuy se yóm gónón lemwót yóm dou kwalis mò du yóm deng nmou bè ni.

Matyu 24:1

Kewót Jisas bè yó, tnagaken yóm Gónô Dwata. Yóm igoen tolo mógów, ten-gafit yó kem gel lemolò du, tolok le du yó kem gónô mteg hmilol yóm Gónô Dwata.

Kun Snulat Luk 20:1

Bud sotu kdaw bè yó, tolo lel Jisas tmolok bè yó kem tau lem yóm Gónô Dwata, hetngónen kul yóm Tulón Hyu lemwót bè Dwata. Gotu le sut béléen yó kem geta bè yó kem gel demsù ebè Dwata, ne yó kem gel tmolok hlau kkólen bè yó kem tuha gónó le gel galak yó kem Ju.

Matyu 20:4

Ne monen mò kul, ‘Ke móyô ye, ne ye e mò nmò béléu bè huluhu. Henyuhu he ksukéyu kuy.’