Matyu 21:22 - Udél Dwata: Gna Kesfasad ne Lomi Kesfasad

²² Ke wen kehtahu ye, balù kihu hni ye bè Dwata, guta ye.”

Matyu 21:22 Referans Kwoze

Matyu 7:7

Bud mon Jisas, “Ke wen hni ye bè Dwata, angat guta ye. Ke wen hnebel ye, tódô ton ye. Ke mbal ye gu bak sut, tódô wen hotun kuy.

Mark 11:24

Yó gónóm mon, ke wen hni ye bè Dwata, hol hentahu ye yóm kguta ye du, kaem angat dohò se kguta ye du.

1 Jan 3:22

Balù kihu hni tekuy béléen, tódô blayen tekuy, abay se gel nimón tekuy yó kem kun hlau, ne gel nmò tekuy yóm gónón hyu nawan bélê tekuy.

Matyu 18:19

Ni mò hol sù ye bè nawa ye. Anien ke tek lewu tau mni bè Dwata, ne deng ssotu nawa le mni du yóm hni le, tódô blay Mà bè longit kul yóm hni le béléen yó.

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

Kun Snulat Jan 14:13

Balù kihu hni ye bè Dwata hlan ye bè dou boluy,” monen, “tódô blayu kuy mò gónón megdóyón béléu Mà.

Kun Snulat Jan 16:24

Efet ni ne, laen deng hni ye bè Dwata he ke hlan ye bè dou boluy. Mni ye dé, kaem tódô blayen kuy anì hol gsengel yóm kligal ye.”

Kun Snulat Jan 15:7

Okóm ke henek ye béléu ne ke tendo nô bè nawa ye udélu, balù kihu hni ye bè Dwata guta ye.

Matyu 7:11

Balù yóm kuy là kgulit,” mon Jisas, “sana khulung ye bemlay kem ngà ye yóm hyu bélê le. Milud he yóm Mà tekuy bè longit. Ke wen hni ye béléen, angat wen tey hyu blayen kuy.