Matyu 21:21 - Udél Dwata: Gna Kesfasad ne Lomi Kesfasad

²¹ Mon Jisas mò kul, “Tódô tulónu kuy ktahuhen, ke wen kehtahu ye, ne ke là megewu nawa ye, gbek ye snéen mò du yóm nmou bè nim koyu ni. Là sónen du yó gbek ye, gbek ye snéen tódô mdók nim bulul nii anì mdó bè ni, ne mili elem mohin, botong tódô nimónen yu.

Matyu 21:21 Referans Kwoze

Sulat Jim 1:6

Syan ke hol hentahuhem yóm kbalà Dwata du yóm hnihem yó, béem abay hegewu nawam. Ke gel megewu nawahen yóm tau, hol lómón yóm lewók mohin, tódô gel gmung glulid bè lenos.

Matyu 17:20

Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

1 Kurin 13:2

Baluen ke wen khulungu tmulón yóm Udél Dwata, ne baluen ke tódô ket du yóm deng dnalangu, ne ke deng tódô tngónu yóm là deng tngón le du kem dumu tau, ne baluen ke tódô gbeku hdó bulul lemwót bè kehtahuhu bè Dwata, okóm ke là bong nawahu kem dumuhu, tedu se bang gónóhu e kól du?

Matyu 8:12

Okóm yó kem Ju, yóm hol bak mfun du yóm kogot Dwata tau, là kô le gmung kul. Angat gotu tudà le lu ditu ebè yóm gónón alì kmifu, ne bè yó tendo gónó le heslaf dmumu mkik, ne sembéhé kakim.”

Matyu 21:20

Ya tey kehtaw le du yó kem tau gel lemolò ke Jisas yóm kton le du yó, mon le, “Kiholen kendel tódô gotu mékéng nim koyu ni?”

Matyu 14:29

“Géhéli sen,” mon Jisas. Mung tódô kekmó Pitér ta yóm ówóng le, tódô mógów ta yóm él etu bè Jisas.