Matyu 21:17 - Udél Dwata: Gna Kesfasad ne Lomi Kesfasad

¹⁷ Timbow deng yóm kudél Jisas yó koni, ominen tmagak kul, hlós ebè Bitani, ne ditu gónón tungô.

Matyu 21:17 Referans Kwoze

Kun Snulat Jan 11:18

Nim Bitani gónó Lasarus nô ni, moni bè Jirusalim, wen dô tlu kilumitru keslayuk le.

Kun Snulat Jan 11:1

Wen sotu tau gemnóm des, boluyen Lasarus, tau menwu bè Bitani. Ne wen lewu libunen, Midi ne Marta. Menwu le bè Bitani se kul.

Kun Snulat Luk 24:50

Kogol yóm kudél Jisas lem blóng le yó, niten lu ebè yóm sotu benwu udì boluyen Bitani. Bè yóm deng kkól le bè yó, hdaen eta lewu sigelen, ne mni bélê le bè Dwata.

Mark 11:11

Ngangen ne gefet bè Jirusalim Jisas, ominen hlós ebè yóm Gónô Dwata, ne husek elemen, gotu tenngelen kdê yó kem nmò le bè yó. Ominen bud lemwót mulék ebè Bitani, ne mung du yó kem sfolò lewu gel lemolò du, abay se deng móyón sdef kdaw.

Mark 11:19

Timbow deng sdef kdaw, bud le lemwót le Jisas bè yóm syudad yó.

Matyu 16:4

Hol monu sidek tau nim yu! Bà udì ke wen nawa ye ebè Dwata. Móyô ye kô ke wen hentaw ton nmou lem blóng ye? Laen kô dù bud nmou ne, tek són nmou lem blóng ye, són yóm hentaw ton tehe ton le bè Juna ekni.” Ominen tódô tmagak kul.

Kun Snulat Luk 19:29

Tikóng deng moni bè yó kem lewu benwu udì boluy le Bitfid ne Bitani, bè yóm Bulul Ulib, hógów Jisas lewu bè yó kem gel lemolò du,

Kun Snulat Luk 10:38

Bud le hlós mógów le Jisas ne yó kem gel lemolò du. Sut le bè yóm sotu benwu udì gónóhen nô yóm sotu libun boluyen Marta, ne tey khódóhen kul bè gónóen.

Mark 11:1

Ngang le Jisas mógów efet le moni bè Jirusalim. Móyón le sut bè yó kem lewu benwu lemnek boluyen Bitfid ne Bitani, nô lem henfek yóm Bulul Ulib. Ne hegna Jisas yóm lewu bè yó kem gel lemolò du,

Mark 3:7

Lemwót Jisas mung du yó kem gel lemolò du, mógów le etu bè kilil Lanaw Galili, ne tey tau wen mung du. Lemwót le bè prubinsya Galili ne Judiya,

Matyu 26:6

Bè yóm knô Jisas bè Bitani, mken bè gónô yóm sotu tau tehe gemnóm des mifù boluyen Simun.

Mark 14:3

Bè yóm knô Jisas bè Bitani, mken bè gónô yóm sotu tau tehe gemnóm des mifù, boluyen Simun. Bè yóm igoen tolo mken bè yó, sut béléen yóm sotu libun, wen sobuy alabastér nwiten hnok yóm gel hboo alì mebtes, ne alì minggel boohen, boluyen nard, yóm gel hboo laen dù bolen, hono duhen. Ominen temful lihol yóm sobuy yó, ne gotu msulék koken te kulu Jisas.