Matyu 21:16 - Udél Dwata: Gna Kesfasad ne Lomi Kesfasad

¹⁶ Mudél le ebè Jisas yó kem tau lembut du yó koni, mon le, “Gungolem kô udél tu kem ngà?” Mon Jisas se, “Gungolu se.” Ne bud monen, “Là deng gesfala ye du kô yóm sotu tulónen bè Sulat Dwata, yóm monen, ‘Ó Dwata, balù yó kem ngà kólen bè yó kem ngà tolo hebón, deng tolokem lu anì hol tódô yóm kdóyón le kóm.’ ”

Matyu 21:16 Referans Kwoze

Kem Lingón 8:2

Gbót dóyón le uu yó kem ngà lemnek kkólen bè yó kem ngà tolo hebon. Mlan bè yóm kul kdóyón kóm gónóm hemseng yó kem tau gel hmohon kóm. Laen kô dù gmò le béléem.

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

Matyu 19:4

Bnalà Jisas lu, monen, “Deng hónô senfala ye yóm monen bè Sulat Dwata. Bè yóm hol kbuten nmò Dwata yóm tau, logi ne libun.

Matyu 12:3

Bnalà Jisas lu, monen, “Deng hónô senfala ye yóm tehe nmò Dabid ne yó kem kun tau bè yóm tehe kbitil le.

Mark 2:25

Bnalà Jisas se lu, monen, “Deng hónô senfala ye se yóm tehe nmò Dabid ne yó kem tauhen bè yóm kdaw laen dù ken le, ne tey kbitil le.

Matyu 22:31

Ne bè yóm snólók ye bè angat bud klowil tau, là deng gesfala ye du kô yóm tehe tulón Dwata kuy bè Sulaten? Yóm monen,

Mark 13:17

Kodu le yó kem libun tolo mlutut bè yóm kdaw yó, ne yó kem libun tolo semlé ngà.

Kun Snulat Luk 21:23

Kodu le yó kem libun mlutut bè yó kem kdaw yó,” mon Jisas, “dalang se yó kem libun tolo semlé ngà. Angat tey hlayam bong sok sut bè nim benwu ni yóm hlayam monu ni, ne angat tey sidek ktafak Dwata yó kem Ju.