Matyu 21:15 - Udél Dwata: Gna Kesfasad ne Lomi Kesfasad

¹⁵ Okóm yó kem geta bè yó kem gel demsù ebè Dwata ne yó kem gel tmolok hlau, gotu le mom lembut bè yóm kton le yó kem hentaw ton nmò Jisas ne bè yóm kungol le yó kem ngà tendo dmóyón du bè yó lem Gónô Dwata. Yó tendo mon le, “Hol dóyón tekuy dé yóm sfu yóm tehe Dabid.”

Matyu 21:15 Referans Kwoze

Matyu 21:9

Tódô le gotu mensag yó kem tau tukô gna du ne yó kem fen tukô huli du, mon le, “Hol dóyón tekuy yóm semfu bè yóm tehe Dabid. Dwata he hol tmóbóng du nim tau deng hógówen ni. Hol dóyón tekuy dé Dwata.”

Kun Snulat Jan 12:19

Lemwót yó kem Farisi, stulón le, mon le, “Ngem, laen kô dù gmò tekuy. Tenngel ye dé, tódô kdéen tau gotu lemolò du.”

Kun Snulat Jan 11:57

Yó gónó le mon du yóm yó, abay se deng ssotu ne atul yó kem geta bè yó kem gel demsù ebè Dwata ne yó kem Farisi. Eles heglalag le ke wen mton du mò ke Jisas, hol tulón le kul anì kenfô le.

Kun Snulat Jan 7:42

Deng monen bè Sulat Dwata, semfu gu bè yóm tehe Dabid ne bè Bitlihim gónón sut, bè yóm tehe kun benwu Dabid.”Tey wen kesgólól nawa le yó kem tey tau wen bè yó, abay se là ssotu kehedem le ebè Jisas.

Kun Snulat Jan 4:1

Gungol yó kem Farisi yóm deng ketnù yó kem tau lemolò ke Jisas ne yó kem tau hbabtays béléen, ne là holen bud wen ke Jan.

Kun Snulat Luk 22:66

Tikóng deng mwas bè yó, omin le mit ke Jisas ebè yó kem tau hol geta mogot kukum. Gotu le nô bè yó yó kem tuha gónó le gel galak yó kem Ju, ne yó kem tau hol geta bè yó kem gel demsù ebè Dwata kkólen bè yó kem tau gel tmolok hlau.

Kun Snulat Luk 22:2

Bong yó kem geta bè yó kem tau gel demsù ebè Dwata kkólen bè yó kem tau gel tmolok hlau, sónmò le mebel lan le lemifut hmatay ke Jisas. Yó gónó le tô lemifut du, knikò le yó kem tau gel hmungol ke Jisas.

Kun Snulat Luk 20:1

Bud sotu kdaw bè yó, tolo lel Jisas tmolok bè yó kem tau lem yóm Gónô Dwata, hetngónen kul yóm Tulón Hyu lemwót bè Dwata. Gotu le sut béléen yó kem geta bè yó kem gel demsù ebè Dwata, ne yó kem gel tmolok hlau kkólen bè yó kem tuha gónó le gel galak yó kem Ju.

Mark 11:18

Ne gungol le se kul yó kem geta bè yó kem gel demsù ebè Dwata, ne yó kem tau gel tmolok hlau yóm deng nmò Jisas yó. Yó nmò le, mebel le lan le hmatay du, okóm likò le béléen, abay se tey tau wen gel hmungol du yóm ktoloken, ne tey kehtaw le du.

Matyu 27:20

Okóm yó nmò yó kem geta bè yó kem gel demsù ebè Dwata ne yó kem tuha gónó le gel galak, nofong le yó kem tau sbung bè yó anì yó hni le Barabas, ne fen hfatay le Jisas.

Matyu 27:1

Timbow deng mwas bè yó, gotu le stifun yó kem geta bè yó kem gel demsù ebè Dwata ne yó kem tuha gónó le gel galak yó kem Ju, sensatul le yóm kmò khatay le ke Jisas.

Matyu 26:59

Ne lemwót yó kem tau geta bè yó kem gel demsù ebè Dwata ne kdê yó kem tau geta mogot kukum, mebel le dalil mò lan le hfatay ke Jisas lemwót bè yóm gel tifù yó kem dumu tau, baluen ke là tahuhen.

Matyu 26:3

Bong yó kem geta bè yó kem gel demsù ebè Dwata kkólen bè yó kem tuha gónó le gel galak yó kem Ju, gotu le stifun bè gónô bong Kyafas, yóm tau geta bè yó kem gel demsù ebè Dwata.

Matyu 22:42

“Tedu kuy kmò kehedem du yóm Misaya? Gónón gu semfu du?” Mon le se, “Semfu gu bè Dabid.”

Matyu 21:23

Bud mulék ebè Gónô Dwata Jisas. Yóm igoen tolo tmolok bè yó, sut le béléen yó kem geta bè yó kem gel demsù ebè Dwata ne yó kem tuha gónó le gel galak, mon le mò ke Jisas, “Wen kô kwalisem mò du ni kem deng nmoem bè ni? Tau du se bemlay kóm kwalis mò du?”

Matyu 9:27

Timbow bud lemwót bè yó Jisas, wen lewu tau butô kemtes huli du ne tmaba le ebéléen, mon le, “Ó Sér, sfu tehe Dabid, hol knoduhem mi.”

Isaya 26:11

Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.

Matyu 20:24

Timbow gungol yó kem sfolò gel dumu le lemolò ke Jisas yóm hni yó kem lewu tau setwoli yó, ya tey sidek kebut le kul.