Matyu 21:10 - Udél Dwata: Gna Kesfasad ne Lomi Kesfasad

¹⁰ Timbow deng kól bè Jirusalim Jisas, ya tey ketnga le du yó kem kdéen tau menwu bè yó, snólók le, mon le, “Tmau du de ni?”

Matyu 21:10 Referans Kwoze

Kul Nmò 9:5

Mon Sol se, “Tmau kóm de, Sér?” Monen se, “Ou se Jisas, yóm tendo hnayamem.

Kun Snulat Luk 9:9

Ne yó mon Hirod, “Blaem deng tehe heklengu liholen yóm Jan. Okóm tmau du yóm alì tulón le ni?” Hatan mkó nawahen ke deng tonen Jisas.

Kun Snulat Luk 7:49

Yó mon nawa le ni kem dumu tau seyón ke Jisas ni, mon le, “Tmau du de mni? Tódô tô hmifót salà.”

Kun Snulat Luk 5:21

Bong yó kem gel tmolok hlau ne yó kem Farisi, bè yóm kungol le du yóm udél Jisas yó, yó hendem le, “Tmau du mni? Mom hsengeden knóen bè Dwata. Laen kô dù tau gembek hmifót salà, tek són sem Dwata.”

Isaya 63:1

“Tau du se yóm tau kól gu bè syudad Busra bè benwu Idom? Tey alì tilob yóm nes hulô leseken. Tódô mógów hekteng, tódô dilóem béléen yóm tey kfasangen ne yóm tey kgisen. Tau du de tu?” Yóm mógów yó, duhen Dwata yóm hol gónó mogot. Tey wen kfasangen lemwà yó kem tauhen. Yó nógówen nan e tulón yóm deng kegmoen bè yó kem hohonen.

1 Samwél 16:4

Tahu se, nimón Samwél yóm hlolò Dwata du yó. Bè yóm kkólen bè Bitlihim, senlong yó kem tmuha malak bè yó bede tey sidek klikò le. Snólók le, “Laen dù sidek du kô yóm kógówem ni?”

Rut 1:19

Omin le yó tódô hlós lemwót efet le kól bè Bitlihim. Bè yóm kkól le bè yó, ya tey sidek ketnga yóm kdéen tau bè yóm benwu yó. Yó mon yó kem libun, “Numi kô mni?”

Kun Snulat Jan 2:18

Snólók le bè Jisas yó kem Ju wen glalen bè yó, mon le mò du, “Hentaw ton du tô nmoem mò ilô me du yóm kwen kwalisem mò du nim nmoem ni?”

Kun Snulat Luk 20:2

Ne yó snólók le béléen, mon le, “Tulónem kum kun, wen kô kwalisem mò du ni kem deng nmoem ni? Tau du de bemlay kóm kwalis mò du?”

Matyu 2:3

Mung kungol Hirod du yóm mon le yó, ya tey ktafa nawan, ne senged se yó kem dumu tau bè Jirusalim, gbót tafa nawa le se kul.

Matyu 21:9

Tódô le gotu mensag yó kem tau tukô gna du ne yó kem fen tukô huli du, mon le, “Hol dóyón tekuy yóm semfu bè yóm tehe Dabid. Dwata he hol tmóbóng du nim tau deng hógówen ni. Hol dóyón tekuy dé Dwata.”

Matyu 21:11

Bnalà yó kem tey tau sbung, mon le, “Ni se yóm Jisas, yóm tugod Dwata lemwót bè Nasarit, yóm sotu benwu bè prubinsya Galili.”