Matyu 21:1 - Udél Dwata: Gna Kesfasad ne Lomi Kesfasad

¹ Ngang le Jisas mógów ne yó kem gel lemolò du efet le moni bè Jirusalim. Deng le gefet bè yóm sotu benwu udì boluyen Bitfid, nô lem henfek yóm Bulul Ulib. Bè yóm kkól le bè yó, wen lewu bè yó kem gel lemolò du hógów Jisas tukô gna kul,

Matyu 21:1 Referans Kwoze

Sikaraya 14:4

Bè yóm kdaw yó, angat mdà ta Bulul Ulib Dwata, yóm bulul fi dmata kdaw Jirusalim. Ne yóm Bulul Ulib yó, tódô meskang bè gónón sóól, baling datal lamang lenwóten fi dmata kdaw kól desdef. Yóm sóól yóm bulul yó tódô mili fi bwak ne yóm sóólen tódô mili fi leged.

Kun Snulat Jan 8:1

Lemwót ke Jisas kun, mógów ebè Bulul Ulib.

Kun Snulat Luk 21:37

Ket kdaw Jisas tendo gel tmolok lem yóm Gónô Dwata. Okóm ket kifuhen gel hetsik ebè Bulul Ulib.

Matyu 26:30

Tikóng deng kinum le, omin le gotu semngal yóm sotu sngal dmóyón ke Dwata, omin le lemwót ebè Bulul Ulib.

Matyu 24:3

Ngang Jisas mógów efet kól bè Bulul Ulib, ne myón bè yó. Omin le mógów ebéléen yó kem gel lemolò du, són lu, snólók le béléen, mon le, “Ó Sér, kilón kdohoen yóm deng tulónem kum yó koni? Tedu de ilô me du yóm bud ksutem ne yóm hol són kdaw?”

Kul Nmò 1:12

Kewót le bè yó bè Bulul Ulib yó kem tehe hógów Jisas, mulék le ebè Jirusalim, tek sotu kilumitru klayuken bè yóm bulul yó.

Kun Snulat Luk 22:39

Kewót Jisas bè yó bè Jirusalim, mógów ebè yóm Bulul Ulib, yó se yóm sana kun gel nmò. Eles le mung du yó kem gel lemolò du.

Mark 14:26

Tikóng deng kinum le, omin le gotu semngal yóm sotu sngal dmóyón ke Dwata, ne omin le lemwót ebè Bulul Ulib.

Matyu 20:34

Ya tey kkodu Jisas kul yó kem tau yó, ominen mnok bè mata le. Tódô sen-gengen se yóm bud kton le, ne tódô henmung lolò le Jisas.

Matyu 21:2

monen mò kul, “Mógów ye do etu bè tum benwu udì ditu tuu. Sok ye kól ditu, angat wen ton ye asnu fét hanà malak nati. Tódô ntó ye, nit ye do edini.

Mark 13:3

Ngang Jisas mógów efet kól bè Bulul Ulib, fi fatu yóm Gónô Dwata yó koni, ominen myón bè yó. Ne mógów le se ebéléen le Pitér ne Jim ne Jan ne Andru, tek són lu, ne snólók le bè Jisas, mon le,