Matyu 20:5 - Udél Dwata: Gna Kesfasad ne Lomi Kesfasad

⁵ Tahu se, na le e mò nmò yó kem tau yó. Timbow deng gtungu kdaw, bud mebel tau yóm fun hulu. Ne bud sóól mosol kdaw, bud yó se nmoen.

Matyu 20:5 Referans Kwoze

Kul Nmò 10:9

Hayahen bè yó, deng móyónen gtungu kdaw, deng le moni ne bè Jupa. Bè yóm uras yó, lemwót Pitér mógów ebè gónó henos ditu ta na a mni bè Dwata.

Kul Nmò 10:3

Sotu kdaw bè yó, deng dô tlu uras kimel, wen hógów Dwata gu bè longit tódô hegfan béléen, tey mdengen ktonen du. Mudél ebéléen yóm hógów Dwata yó, monen, “Ó Kurnilyus.”

Kul Nmò 3:1

Sotu kdaw bè yó, deng tlu uras kimel, lemwót le Pitér lewu le Jan mógów le ebè yóm Gónô Dwata. Yó se yóm sana gel kmò kdaw na le e gel kni bè Dwata.

Kun Snulat Jan 11:9

Ne bnalà Jisas lu, bede hningónen, monen, “Yóm sotu kdaw, sal sfolò lewu udasen lemayag. Ke mógów kemdaw yóm tau, là kóen na a glokob abay se wen layagen.

Kun Snulat Jan 4:6

Bè yó gónóhen nô yóm kokol tehe Jakub. Nan slob hegnô bè yó Jisas bè yóm kokol yó, abay se alì sidek klitegen bè yóm kógówen. Deng gtungu ne kdaw yóm kkólen bè yó.

Kun Snulat Jan 1:39

Mon Jisas se, “Mung ye do sen, na ye e hnénég.” Tahu se, mung le du. Deng móyón kimel ne yóm kmung le du yó. Ton le se yóm gónóhen nô, ngang le nô béléen bè yó efet kifu.

Matyu 27:45

Tikóng deng gtungu kdaw, tódô kmifu talak tonok efet sóól mosol kdaw.

Matyu 20:4

Ne monen mò kul, ‘Ke móyô ye, ne ye e mò nmò béléu bè huluhu. Henyuhu he ksukéyu kuy.’

Matyu 20:6

Timbow móyónen sdef kdaw, ominen bud lemwót, ne tolo wen he dumu tau mdà gu bè yó bè fedyan, snólóken bélê le, monen, ‘Moen ke tódô ye mdà bè ni laen dù nmò?’