Matyu 20:34 - Udél Dwata: Gna Kesfasad ne Lomi Kesfasad

³⁴ Ya tey kkodu Jisas kul yó kem tau yó, ominen mnok bè mata le. Tódô sen-gengen se yóm bud kton le, ne tódô henmung lolò le Jisas.

Matyu 20:34 Referans Kwoze

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

1 Pitér 3:8

Duhen ni, hol sensotu ye nawa ye ne hol ye skodu, ne hol ye sbong nawa ne hen-ganag ye nawa ye. Hol heglaan ye knô ye bè kem dumu ye.

Kun Snulat Luk 22:51

Okóm bnólów Jisas, monen, “Geblaen yó ne.” Ne nduen yóm tuhod klinguhen, ne hol lómón ke laen dù hemenen.

Kun Snulat Luk 7:13

Timbow ton Jisas yóm yéen, tey kkoduhen du, monen, “Béi abay mkik.”

Mark 7:33

Tahu se, nwit Jisas hetsik yóm tau bokong yó koni, ne sbalà nseng Jisas tdok yóm klinguhen. Ne ominen dmulak tukô tdoken, ne duen te dilak yóm tau umew.

Matyu 15:32

Omin Jisas tmaba ebè yó kem gel lemolò du, ne monen mò kul, “Tey klayuk nawahu kul ni kem tau ni. Deng tlu kdaw le ni ne nô béléu bè ni, laen kô dù bud ken le. Ne là se móyóe tódô hulék kul là mken, kô lenmek le gu bè lan.”

Matyu 14:14

Timbow dmuung le Jisas, tódô tonen yó kem tey tau wen deng gna ebè yó. Ya tey kkoduhen kul, gotu hkóhen yó kem des le.

Matyu 9:29

Omin Jisas mnok bè mata le, monen, “Yó ne, guta ye balaen ne yóm deng kehtahu ye yó.”

Matyu 8:15

Omin Jisas na a mogot bè sigelen, ne tódô sen-gengen se mkó yóm tey des kinien. Ominen hlingas btik, ne tódô kendel mò ken bè le Jisas.

Kem Lingón 145:8

Yóm Dwata gónó tekuy mogot, tey kbong nawahen tau, ne tey knoduhen lu. Là kóen mahil lembut, ne là kóen monol yóm kbong nawahen tau.

Kem Lingón 119:71

Tey hyu béléu yóm kehlayamem do anì dnalangu yó kem hlauhem.

Kem Lingón 119:67

Gu laanem là deng semtódô do, denge tlas, okóm ni, hol nimónu yóm kóm udél.

Kun Snulat Luk 18:43

Ne tahu se, tódô sen-gengen se bud mton yóm tau tehe butô yó, ne tey kdóyónen ke Dwata, ne tódô henmung loloen Jisas. Timbow ton yó kem tey genged tau, tódô kdê le se gotu dmóyón ke Dwata.

Matyu 9:36

Bè yóm gel ktonen yó kem tey tau wen gel sbung ebéléen, tey kkoduhen kul, abay se tey dê gónó le glayam, ne laen kô dù tmóbóng kul. Lómó ktonen kul, lómón yó kem ubiha laen dù tau mdengen semgyok kul.

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.

Matyu 20:33

Mon le se, “Htonem mi, Sér.”

Matyu 21:1

Ngang le Jisas mógów ne yó kem gel lemolò du efet le moni bè Jirusalim. Deng le gefet bè yóm sotu benwu udì boluyen Bitfid, nô lem henfek yóm Bulul Ulib. Bè yóm kkól le bè yó, wen lewu bè yó kem gel lemolò du hógów Jisas tukô gna kul,