Matyu 20:32 - Udél Dwata: Gna Kesfasad ne Lomi Kesfasad

³² Timbow gungol Jisas yóm ktaba le, tódô hegsud mdà, ne ominen tmaba kul ebéléen, monen, “Tedu de yóm tô hmò ye do?”

Matyu 20:32 Referans Kwoze

Isikél 36:37

Yó bud udél yóm sana Dwata hol dandónen geta, monen, Hyu béléu ke bud wen sotu hni le béléu yó kem tau Israél, duhen yóm kehwenu ból le lómón kwen yó kem tehe ubiha le.

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.

Matyu 20:21

Ne mon Jisas se mò du, “Moem de?” Monen se, “Wen tô hnihu béléem dé, Sér. Kesok deng kól du yóm kegetahem, kóyóu ke fasadem dou ke angat le myón klohokem ni kem lewu ngau ni, sotu fi bè kwananem ne sotu se fi bè iwóngem.”

Kul Nmò 10:29

Yó gónóm mon bè yóm khangayem dou, là kô kenbéu du, tódóe mung. Duhen ni, tô snólóku béléem, boluyen de gónóm hógów dou edini ni?”

Matyu 20:31

Okóm deng mom senbólów le lu yó kem tey tau bè yó, mon le, “Bê ye abay hebnes tmaba.” Tnódónem mom hennolì le tmaba, “Ó Sér, sfu tehe Dabid, hol knoduhem mi.”

Matyu 20:33

Mon le se, “Htonem mi, Sér.”