Matyu 20:3 - Udél Dwata: Gna Kesfasad ne Lomi Kesfasad

³ Timbow deng sóól mneged kdaw, ominen bud lemwót ebè fedyan yóm tau fun hulu, wen tau tonen bliwel mdà gu bè yó laen dù nmò le.

Matyu 20:3 Referans Kwoze

1 Timuti 5:13

Déke knalam le sembad lem blóng gónô, hlós le lemfu. Là olon yó du, okóm hlós baling libun lemnek ksumóngen, dê snoloen, hbólen yó kem là hyu bud hból du.

Kul Nmò 2:15

Ofo kuy mon du ke lengel me. Là kô me na a lengel, abay se hanà tolo sóól mneged kdaw he.

Mark 15:25

Deng sóól mneged ne kdaw yóm ktutuk le du bè kros.

Kem Udél Hlalak Tehe Selumun 19:15

Yóm kefu tau mit du lemnga ne lemwót bè kduken mò nmò gónón glayam bitil.

Hibru 6:12

Là kô me móyô du ke baling ye mduk, okóm yó kóyô me bélê ye ke hol dnalang ye yóm kul kmò yó kem tau hemtahu bè Dwata, ne yóm khanay le nawa le efet guta le yóm deng tehe fasad Dwata kul.

Matyu 20:2

Tahu se, wen tau tonen, ne eles sentulón le gna yóm kmò ksukéyen kul sendaw. Ominen yó hewót kul mò nmò.

Matyu 20:4

Ne monen mò kul, ‘Ke móyô ye, ne ye e mò nmò béléu bè huluhu. Henyuhu he ksukéyu kuy.’

Kul Nmò 16:19

Timbow tngón yó kem tau mfun du yóm ngà libun ni yóm klaen dù bud lan le gemwa filak béléen, tódô kenfô le Pol ne Silas, nit le lu ebè yó kem tau genlal gel kmukum bélê le.