Matyu 20:26 - Udél Dwata: Gna Kesfasad ne Lomi Kesfasad

²⁶ Okóm bélê ye kuy, là kô yó du yóm hyu bélê ye. Ke wen sotu bélê ye móyô ke du baling geta bè kem dumuhen, yake hol nô béléen yóm nawa yóm tau gel tóbóng lówó.

Matyu 20:26 Referans Kwoze

Mark 10:43

Okóm bélê ye kuy,” mon Jisas, “là kô yó du yóm hyu bélê ye. Ke wen sotu bélê ye móyô ke du geta bè kem dumuhen, yake hol nô béléen yóm nawa yóm tau gel heklifen.

Mark 10:45

Yakà lómón ni du yóm kun nmò yóm Ngà Tau. Là kô yó du nógówen edini ke fen na a hdatù bè kem tau. Okóm yó nógówen mò fen tmóbóng kul, hamaen klowilen mò msok yó kem tey tau wen gu lem hatay.”

Mark 9:35

Omin Jisas myón, senbungen yó kem sfolò lewu gel lemolò du, ne monen mò kul, “Ke wen bélê ye móyô ke du hol geta bè kem dumuhen, yake nan hol heglaan knóen ne hol heklifen bè kem dumuhen.”

1 Pitér 5:3

Hol bê ye fen hdatù lem blóng le. Yu dé gónó le dmalang yóm hyu yó kem tau galak bélê ye.

Kun Snulat Luk 18:14

Tódô tulónu kuy ktahuhen,” mon Jisas, “bè yóm kuléken ebè gónóen nim tau gel mtuk bwis ni, deng baling tedeng kton Dwata du. Fen là kun yóm Farisi yó koni. Yó gónóm mon, yóm tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

1 Pitér 4:11

Ke uu yóm sotu tau wen khulungen tmolok, tódô tolokem sen yóm Udél Dwata. Ke uu sotu tau wen khulungen tmóbóng, hol hlanem bè yóm kgis deng blay Dwata kóm yóm któbóngem kem dumuhem. Ke hyu kwit ye du yóm kenhulung blayen kuy, tey megdóyón Dwata mlan bè yóm któbóngen kuy Jisas Krays. Dwata se yóm hol knóón megdóyón, ne sónen du se yóm hol mfasang. Hol bê ye abay nmò sónen yóm kdóyón kuy du.

Matyu 25:44

Ne angat bnalà le se, mon le, ‘Kilón de kton me kóm bitil, Sér, ne meeng ne milo? Ne kilón de yóm klaen dù nesem ne yóm kwen desem ne yóm knóem lem blanggù, ne là dog tnóbóng me kóm?’

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Filimun 1:13

Yó tô kóyóu ke là tagad huléku du edyó anì wen gónón tmóbóng do bè nim igou fen geblanggù lanu tmolok yóm Tulón Hyu. Ke tnóbóngen ou bè ni, lómón se ke uu yóm tmóbóng do.

2 Timuti 1:18

Dwata he hol kmodu du bè yóm kdaw kdaen bè soluhen. Ne sotuhen, deng tngónem ne yóm tehe alì gel któbóngen dou dyó ekni bè Ifisus.

2 Kurin 1:24

Là kô nubug me kuy bè yóm kuy kehtahu. Kaem deng sana tngón me deng mbegel ne kehtahu ye. Okóm yó dé kóyô me ke wen lan me tmóbóng kuy anì hol temnù yóm kligal ye.

Kul Nmò 13:5

Timbow le kmó bè yó bè yóm sotu benwu boluyen Selamis, hlós le tmolok udél Dwata bè yó kem gónó le gel stifun yó kem Ju bè yó. Bè yóm kógów le ni, mung kul Jan Mark mò gel tmóbóng kul.

Kun Snulat Jan 18:36

Bnalà Jisas se, monen, “Yóm benwu dou nogot, sundu benwu te tonok du. Ke ni se yóm dou benwu nogot, nofin le o yó kem tau nogotu anì là kenfô le do yó kem Ju wen glal le yó. Là kô na a ni du yóm benwu dou nogot.”

Matyu 27:55

Wen se kem libun nô bè yó, olo le tódô temngel mayuk. Tehe le mung ke Jisas lemwót gu bè Galili mò gel tmóbóng du.

Deng Hegfan 17:6

Ne tódô tonu se deng hlengel yóm libun yó lemwót bè yóm gel kinumen yóm litô yó kem tau hemtahu bè Dwata deng hnatayen ne litô yó kem tau là monol nawa le ebè Jisas. Bè yóm ktonu du, ya tey sidek kehtawu du.

Matyu 20:27

Ne ke wen bélê ye móyô ke du hol gegna bè kem dumuhen, yó dé kmoen lem blóng ye, lómón ke du yóm klifen ye.

Kun Snulat Luk 22:26

Okóm kuy du,” mon Jisas, “sundu yó du yóm hyu bélê ye. Ke wen sotu bélê ye móyô ke du geta bè kem dumuhen, yake hol nô béléen yóm nawa yóm tau gel tóbóng lówó. Ke wen bélê ye móyô ke du hol lemyu bè kem dumuhen tau, yake hol nô béléen dé yóm nawa yóm tau gel heklifen anì hol heklifen bè kem dumuhen.