Matyu 20:24 - Udél Dwata: Gna Kesfasad ne Lomi Kesfasad

²⁴ Timbow gungol yó kem sfolò gel dumu le lemolò ke Jisas yóm hni yó kem lewu tau setwoli yó, ya tey sidek kebut le kul.

Matyu 20:24 Referans Kwoze

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

Sulat Jim 3:14

Okóm yóm tau tendo wen élés nawa lem hendemen lelen seglom, béen abay hton salù bè yóm kwen ketngónen yóm tau yó.

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.

1 Kurin 13:4

Ke wen kesbong tekuy nawa, kaem manay nawa tekuy bè kem dumu tekuy, ne hyu kmò tekuy ebélê le. Là kô nmò tekuy du yóm sélés nawa ne yóm heklabak ne yóm kehegmón.

Mark 10:41

Timbow gungol yó kem sfolò tau gel dumu le lemolò ke Jisas yóm tô hni le Jim ne Jan, ya tey sidek kebut le kul.

Kem Udél Hlalak Tehe Selumun 13:10

Yóm kehegmón tau gónón gel mbut yóm kesbólów, okóm yóm tau hulung hedem gel móyô htolok.

Matyu 20:23

Mon Jisas, “Tahu se, angat glumfak ye se yóm dou glumfak. Okóm laen dù kwalisu mélék du yóm tau myón fi bè kwananu ne fi bè iwóngu. Dwata se mò du yóm yó. Deng wen ne eles néléken mò angat hyónen bè yó.”

Matyu 20:25

Omin Jisas gotu bud semtifun kul, monen mò kul, “Deng hónô tngón ye ne kul kmò yó kem tau hol geta talak tonok, tey gel kdansók le yó kem tau nogot le. Ne yó kem tau mogot kukum, tey gulé kwit le yóm kukum nogot le.

Mark 10:14

Timbow ton Jisas nim nmò le ni, botong lenbuten lu, monen mò kul, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.

Kun Snulat Luk 13:14

Okóm yóm tau hol mogot yóm gónô stifun bè yó, deng mom lembut lan Jisas hkó des bè yóm Kdaw Kehegnô. Yó udélen ebè yó kem tau bè yó, monen, “Igò sem nem kdaw du hol gel kmò tekuy nmò, yó dé tnana kehkó ye des. Béen mom bè yó dum Kdaw Kehegnô.”