Matyu 20:23 - Udél Dwata: Gna Kesfasad ne Lomi Kesfasad

²³ Mon Jisas, “Tahu se, angat glumfak ye se yóm dou glumfak. Okóm laen dù kwalisu mélék du yóm tau myón fi bè kwananu ne fi bè iwóngu. Dwata se mò du yóm yó. Deng wen ne eles néléken mò angat hyónen bè yó.”

Matyu 20:23 Referans Kwoze

Deng Hegfan 1:9

Ou se Jan, yóm sotu dumu ye setwoli. Lemwót bè yóm klolou ke Jisas, denge mkél bélê ye ne bè yóm kehbala ye du yóm keglayam sut bè yó kem tau nogot Jisas. Ni deng mom htólóng le o bè ni bè Patmus, yóm sotu hungul nô talak mohin. Yó duón le do lanu tmolok yóm Udél Dwata, ne yóm ktahuhen lemwót bè Jisas.

Kul Nmò 12:2

Yó nmoen bè Jim, yóm hol dumun setwoli Jan, hfatayen, tnibó le sudeng.

Mark 10:40

Okóm laen dù kwalisu mélék du yóm tau angat myón fi bè kwananu duhen ke fi bè iwóngu. Dwata se mò du yóm yó. Deng wen eles néléken mò angat hyónen bè yó.”

Matyu 25:34

Angat monen mò yó kem nô bè kwananen yóm Hol Geta yó, ‘Géhél ye ne, yu kem tau deng tendo gel tnóbóng Mà. Hlós ye ebè yóm benwu deng tehe eles hentifesen bélê ye lemwót bè hol kbut benwu.

1 Kurin 2:9

Nim gel tolok me ni, hol segtón bè yóm tehe monen bè Sulat Dwata, yóm monen, “Deng wen hentifes Dwata bè yó kem tau kembong nawa du. Yóm hentifesen yó, là kô deng wen hnikót mton du he, ne là se wen deng mungol du. Là kô deng wen hnikót hemdem du yóm mò kmoen.”

Sulat Pol Ebè Yó Kem Tau Hemtahu Bè Rom 8:17

Lemwót bè yóm deng kngaen tekuy yó, yó se gónó tekuy gmuta du yó kem hyu angat blayen bè yó kem ngaen. Angat tekuy gomong bè yó kem hyu angat blayen ke Krays snéen. Ke wen gónó tekuy glayam ni kmoen ni lemwót bè klolò tekuy ke Krays, angat tekuy bud mung béléen snéen bè yóm tey kegetahen hulin kdaw.

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.

Kulasi 1:24

Ni kmoen ni, hligale du nim gónóhu glayam ni mò lanu tmóbóng kuy. Nim keglayamu ni, deng tehe olu Dwata do, ne tódô henlelu ne gemnóm du efet kdengen mò lanu tmóbóng yó kem tau hemtahu béléen, yó se kem tau mò henged lówóhen.

2 Kurin 1:7

Tey mgel nawa me kuy. Tódô tngón me ke gel ye gbót bè yóm kum gónó glayam, bud ye gomong snéen bè yóm któbóng Dwata kum.

Matyu 13:11

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben bélê ye.

Matyu 20:24

Timbow gungol yó kem sfolò gel dumu le lemolò ke Jisas yóm hni yó kem lewu tau setwoli yó, ya tey sidek kebut le kul.