Matyu 20:21 - Udél Dwata: Gna Kesfasad ne Lomi Kesfasad

²¹ Ne mon Jisas se mò du, “Moem de?” Monen se, “Wen tô hnihu béléem dé, Sér. Kesok deng kól du yóm kegetahem, kóyóu ke fasadem dou ke angat le myón klohokem ni kem lewu ngau ni, sotu fi bè kwananem ne sotu se fi bè iwóngem.”

Matyu 20:21 Referans Kwoze

Matyu 19:28

Mon Jisas se mò kul, “Tódô tulónu kuy ktahuhen, ke deng kól yóm lomi benwu, ne ke deng bangen myón bè yóm gónóhen myón kmamal yóm Ngà Tau, wen snéen gónó ye myón kmamal bè yó, yu kem sfolò lewu gel lemolò do ni. Angat ye fen mogot kukum bè yó kem sfolò lewu bung tau semfu gu bè yóm tehe Israél.

Istér 5:3

“Nógówem kut ni du, Boi Istér?” sólók yóm tau hol geta. “Tulónem do ke tedu nóyóem, tódô blayu kóm. Baluen he ke hnihem béléu sóól nim benwu nogotu, tódô blayu kóm.”

Matyu 18:1

Bè yóm kdaw yó, mógów le ebè Jisas yó kem gel lemolò du, snólók le béléen, mon le, “Tau du se hol geta bè yó kem tau nogot Dwata?”

Kem Lingón 110:1

Yó udél Dwata bè yóm gónóhu mogot, monen, “Myóni bè ni bè kwananu efet gotu heglaanu lu bè soluhem yó kem hohonem, lómón ke nmou lu mò gónóm hmótól tihem.”

Kul Nmò 1:6

Bè yóm kestifun le ebè Jisas yó kem gel hógówen, wen snólók le béléen, mon le, “Ó Sér, ni ne kô yóm khulékem du ebélê me kem tau Israél yóm kwalis me mogot du yóm kum benwu?”

Mark 6:22

Bè yóm deng gotu kestifun le, hadal le yóm ngà Hirudiyas libun. Tey kehligal Hirod béléen dalang se yó kem kdê tau tinoken. Botong mon Hirod mò yóm ngà madal, “Tedu se tô nóyóem? Balù kihu hnihem béléu, blayu kóm.”

Matyu 20:32

Timbow gungol Jisas yóm ktaba le, tódô hegsud mdà, ne ominen tmaba kul ebéléen, monen, “Tedu de yóm tô hmò ye do?”

1 Bok Kem Tau Hol Geta 3:5

Bè yó bè Gibyun bè yóm kifu yó, hegfan bè Selumun Dwata, bede hlanen bè knahen, ne snólók Dwata, “Tedu de nóyóem? Mnihi béléu, ne blayu kóm?”

Kulasi 3:1

Deng homong Dwata tekuy ne bè yóm tehe kehlowilen ke Krays gu lem hatay. Yó gónóm mon, yake hol hendem tekuy dé yó kem gel nô bè longit. Bè yó se hol gónóhen nô Krays, deng myón fi bè kwanan Dwata.

Sulat Pol Ebè Yó Kem Tau Hemtahu Bè Rom 12:10

Kdê ye deng hemtahu, hol ye sbong nawa. Hol ye gel sadat.

Kun Snulat Jan 15:7

Okóm ke henek ye béléu ne ke tendo nô bè nawa ye udélu, balù kihu hni ye bè Dwata guta ye.

Kun Snulat Luk 22:24

Senkuya yó kem gel lemolò ke Jisas ke mahil du bélê le fen geta bélê le.

Kun Snulat Luk 19:11

Bè yóm tolo lel le hmungol ke Jisas yó kem tau, wen hlingón tulónen kul, abay se deng le moni ne bè Jirusalim, ne ofo kul hemdem du kem tau ke móyónen sut ne yóm kehkamal Dwata du yóm klamangen.

Kun Snulat Luk 18:41

“Tedu de yóm tô hmoem do?” Ne mudél yóm tau butô yó, monen, “Móyóe ke bude mton, Sér.”

Mark 10:51

Mon Jisas mò du, “Tedu de yóm hmoem dou?” Mon yó sem tau butô yó, “Htonem ou, Sér.”

Jirimaya 45:5

Yó kô hnebelem ke wen kegetahem? Béem nmò yóm yó. Okóm béem abay heblat nawam. Angat wen tey heglumfaku kul yóm kdéen tau bè nim benwu ni. Okóm kóm du, tendo kenlungu uu balù nô gónóm e solu, là kô wen tau hmatay kóm. Ou se Dwata nim mudél ni.” Là gomongen bè nili yóm tsaptér 46 kól bè tsaptér 51. Yó tulónen lemen yóm eles htugod Dwata ke Jirimaya gbak ebè yó kem hohon le. Eles tulón Jirimaya yó kem tau Israél yóm angat ktafak Dwata yó kem hohon le, duhen yó kem tau Idyip ne kem tau Flistin ne kem tau Muab ne kem tau Amunayt ne kem tau Idom ne kem tau bè Damaskus ne kem tau Kidar ne kem tau bè Ilam ne kem tau bè Babilun. Angat lus Dwata yó kem tau bè Babilun mò gemlà kul yó kem tau bnoluyen ni. Okóm kogolen bè yó Dwata fen gemlà kul yó kem tau Babilun. Kdê yó kem tau hohon Israél bnoluyen yó koni, wen se bélê le yóm là bud hen-gulék Dwata du, duhen yó kem tau Idom ne tau Flistin ne tau Damaskus ne tau Kidar ne tau Babilun. Lemwót bè yóm alì kehegmón le gónó Dwata là bud hemgulék kul.

Kem Lingón 45:9

Nô béléem bè yó, yó kem ngà libun yó kem tau hol geta, kem libun alì nadat. Bè kwananem gónón mdà yóm libun boi, yóm klóónen hono tahu blówón lemwót bè benwu Ufir.

Sulat Pol Ebè Yó Kem Tau Hemtahu Bè Rom 8:34

Ne laen se dù tau gembek bud tmuled kul. Tek són Krays Jisas, okóm deng mom du yóm fen matay bélê tekuy ne deng bud hlowil Dwata, hyónen bè kwananen. Ne du mò fen blóng tekuy ebéléen nim kmoen ni.

1 Bok Kem Tau Hol Geta 2:19

Tahu se, mógów ebè Selumun Batsiba bè yóm tau hol geta nan e tulón du yóm nóyô Adunadya. Bè yóm kton tau hol geta ke yéen, tódô hebkó mdà bè yóm gónón myón kmamal anì senlongen, ominen hegdufok ebè seel bè soluhen botong kadaten du. Ominen bud semfulék ebè yóm gónón myón kmamal, ne hwa sotu bangkù, ne hyónen yéen bè yó bè kwananen.

Mark 16:19

Kogol yóm kudél Jisas ebélê le, ominen tódô ganag haway etta bè longit, ne myón fi bè kwanan Dwata.

Matyu 20:22

Bnalà Jisas se, bede mudél ebè yó kem lewu ngaen, monen, “Là kô tngón ye du yóm hni ye yó. Gbek ye hembala du kô ke yu gemfà du yóm angat glumfaku?” Mon le se, “Gbek me.”