Matyu 20:2 - Udél Dwata: Gna Kesfasad ne Lomi Kesfasad

² Tahu se, wen tau tonen, ne eles sentulón le gna yóm kmò ksukéyen kul sendaw. Ominen yó hewót kul mò nmò.

Matyu 20:2 Referans Kwoze

Deng Hegfan 6:6

Ne bud wen udél gungolu gu bè yó kem fat mtulus, mon le, “Yóm sukéy sendaw, tek sotu semun msó. Ke hulékem bè msó sibù, tek tlu semunen. Okóm béem hensidek yóm koyu ulib ne yóm hulu boluyen grép.”

2 Timuti 3:15

Hentulónem nawa yóm deng dnalangem bè Sulat Dwata lemwót bè yóm hanà kudiem. Yó se gónóm temngón du yóm kehewà Krays Jisas kóm gu lem hatay mlan bè yóm kehtahuhem béléen.

Kun Snulat Luk 10:35

Tikóng hayahen bè yó, wen filak blayen yóm tau fun gónô, ne monen mò du, ‘Fen sen-gifaem dou nim tau ni. Ne ke bud wen filak gamaem béléen, tenlesu béléem he kesoke bud semfulék.’ ”

Kun Snulat Luk 1:15

Yóm ngaem yó, angat tey kegetahen bè solu Dwata. Ne là kóen hyu kinumen yó kem ninum lemengel. Tódô lemwót bè ksuten yóm tendo ktolunen béléen yóm Tulus Dwata.

Matyu 22:19

Tolok ye do kun yóm filak mgel mò bayad bwis bè yóm tau hol geta yó.” Tahu se, wen tolok le du.

Matyu 20:13

Bnalà yóm tau fun hulu yóm sotu tau mudél ebéléen, monen, ‘Ó Wè, là kô lenugihu kóm. Igò tekuy sem deng hyu semtulón du du eginu yóm sukéy ye sendaw.

Matyu 18:28

Timbow deng gewà yóm tau yó koni, bud glebeten se yóm sotu dumuhen mò nmò tehe mutóng béléen, bede olo hilu filak yóm kun utóng. Ominen tódô mogot du nan e nmò hemlong du, monen, ‘Géhél bnayadem ou ni.’

Kehedem Tau Tmolok 12:1

Duhen yó, hol hentulónem nawa yóm Dwata tehe mifil kóm yóm igoem tolo lomi tau. Hol nadatem gu laanem là deng tuha. Abay se ke dengi tuha laen kô dù bud kligalem bè klowilem.

2 Tutul Israél 34:3

Bè yóm deng gwoluhen halay kmamal benwu, hanà tolo ngà he, bede nbuten ne lemolò ke Dwata yóm Dwata yóm fuen Dabid. Ne tikóng deng sfolò lewu halayen mogot benwu, nbuten hfólós du yóm benwu Juda ne Jirusalim mlan bè kehegbaen yó kem gónó le tmaba ebè yó kem dwata kéng, ne hlusoken yó kem hehek yóm dwata libun boluyen Asira, ne yó kem lennged nmò le kul dwata gel nmò le gu bè koyu, dalang se yó kem dwata lennged gel tenwél le.

1 Bok Kem Tau Hol Geta 18:12

Okóm ke budi kendel lemwót bè ni, déke wen gónón e mit kóm yóm Tulus Dwata ebè yóm benwu là wen temngón du. Ne ke sut Ahab ne ke là tonen kóm, umuen ou fen hnatayen. Blaem kóm nim ou, nbut bè hanà kudiu yóm kimónu ke Dwata.

1 Samwél 3:21

Bè yó bè Silu gónó Dwata tendo hton bè Samwél mlan bè udélen. Ne bè yóm ktulón Samwél du yóm udél Dwata, tódô kdê yó kem tau Israél hmungol du.

1 Samwél 3:1

Ne ke Samwél kun, yóm ngà tóbóng lówó Dwata, tendo galak bè Ili. Bè yó kem kdaw yó, yóm Dwata tey batul kudélen ebè tau ne mdangan se ke wen htonen.

1 Samwél 2:26

Okóm ke Samwél kun, sónmoen minut lemnok. Ne lemwót bè yóm hyu gel nmoen tey hyu nawa Dwata ebéléen dalang se yó kem dumu tau.

1 Samwél 2:18

Okóm ke Samwél kun, tolo ngà he bede du se tóbóng lówó Dwata. Leseken yóm nes ifod gel lesek yóm tau blóng ebè Dwata.Yóm nes tahà gel leseken, tódô ket halay yéen mò du béléen ne nwiten ebéléen bè yóm gel kmungen ke yehenen demsù ebè Dwata.

Matyu 9:37

Yó gónón mudél ebè yó kem gel lemolò du, bede hningónen, monen, “Tey nuta, okóm là holen wen tau muta.

Matyu 20:1

Bud mon Jisas mò kul, “Yóm kogot Dwata tau, hol lómón ke yóm sotu tau lamang grép huluhen. Sotu kdaw, tódô temkifu lemwót na a mebel tau mò nmò bè yóm huluhen yó.

Matyu 20:3

Timbow deng sóól mneged kdaw, ominen bud lemwót ebè fedyan yóm tau fun hulu, wen tau tonen bliwel mdà gu bè yó laen dù nmò le.

Mark 12:15

Okóm tódô tngón Jisas yóm tô atul le yó kem tau yó, ne yó monen mò kul, “Moen de ke tô hnolot ye ou? Mit ye dou edini kun filak mgel na tenngel.”

Kun Snulat Luk 20:24

“Tolok ye do kun yóm filak mgel.” Ne tahu se, wen blay le du. Mon Jisas, “Tulad du de nô du ni? Ne boluy tau du nô du?” Ne bnalà le se, mon le, “Sisar.”

Matyu 20:9

Tahu se, gna bnayaden yó kem tau hol són huli sut. Tódô blayen kul yóm sukéy geblà bè yóm sukéy le sendaw.