Matyu 20:12 - Udél Dwata: Gna Kesfasad ne Lomi Kesfasad

¹² mon le mò du, ‘Yó kem tau huli sut yó, là dengen legen he yóm kul kmò nmò, hanà tek sotu uras le. Blaem nim kum, deng sendaw me ni ne htanggas bè nóng kdaw, tódô kóem gotu hsengedem sukéy me.’

Matyu 20:12 Referans Kwoze

Kun Snulat Luk 12:55

Ne ke gel lemnos fi leged, gel mon ye, ‘Angat tey kinì kdaw.’ Tahu se yó, kinì.

Sulat Jim 1:11

Ke mékét etahen nóng kdaw, deng sana menes, ne tódô tbó bulóken, là bud tonem du ne ktiloben. Lómón se yó ne kmò yó kem tau wen kendengen le, kendel le matay igò le tolo tô mebel mò tnuen yóm kendengen le.

Ifisus 3:6

Ni se hol lemen yóm tehe bunihen yó, duhen yóm kehlan Dwata du bè yóm Tulón Hyu yóm khomongen kuy yu kem tau là Juhen bè yó kem hyu blayen bè yó kem Ju. Deng ye tahu baling kun fes lówó Dwata snéen kuy, ne wen kuy du snéen yóm tehe fasad Dwata bè yó kem Ju hlanen bè Krays Jisas.

1 Kurin 4:11

Efet nim kmoen ni, sana tolo gel keglayam me bitil ne meeng. Ne laen kô hol nes me, lel le gel mfes kum yó kem dumu tau. Ne laen kô hol mdengen gónó me nô se kum.

Sulat Pol Ebè Yó Kem Tau Hemtahu Bè Rom 3:30

Tek sotu se yóm Dwata. Ne tek sotu gónón tedeng kton Dwata yóm kdéen tau, són bè yóm kehtahu tekuy bè Jisas, tau Ju duhen ke tau là Ju le.

Sulat Pol Ebè Yó Kem Tau Hemtahu Bè Rom 3:27

Yó gónóm mon, laen bang gónó tekuy hton salù. Abay se là kóen lemwót bè klolò tekuy yóm hlau Musis gónón tedeng kton Dwata tekuy, okóm tódô lemwót bè yóm kehtahu tekuy ke Jisas.

Malakay 3:14

“Yó sidek gel mon ye, ‘Laen dù muhen yóm lemolò ke Dwata. Tedu de bang guta tekuy du yóm gel kimón tekuy yó kem kun hlau tekuy? Tedu de bang guta tekuy du se yóm kehegfan tekuy du béléen yóm ksidek kegnóm tekuy du bè yóm kegsalà tekuy?

Malakay 1:13

Yó gel mon ye, ‘Tey mgel bélê me lemolò du yóm dê hlolò Dwata ni,’ ne deng ye meklit lemolò yóm dou hlau,” udél yóm Dwata laen dù là gbeken du. “Ngem, deng mom dsù ye ebéléu yóm ógóf hennagaw ne ógóf tugô ne ógóf wen desen. Henmóyóu kô yóm ógóf lómónen yó? Là kô naw e henmóyô du,” mon Dwata.

Juna 4:8

Timbow deng malù tahà kdaw, hyuf Dwata gu fi dmata kdaw yóm tey lenos kinì eta Juna, botong kfuteng bà mon tey ékét kdaw mnóng etahen. Hol kóyô Juna ke matay. Yó monen, “Mom hyu nawaw tódô kem matay ne.”

Matyu 20:11

Bè yóm kton le du, tey kestulón le du yóm tau fun hulu yó,