Matyu 20:11 - Udél Dwata: Gna Kesfasad ne Lomi Kesfasad

¹¹ Bè yóm kton le du, tey kestulón le du yóm tau fun hulu yó,

Matyu 20:11 Referans Kwoze

1 Tisalunika 2:16

Bud lu se hemseng kum bè yóm gel ktolok me bè yó kem dumu tau là Ju le yóm lan le gewà gu lem hatay. Bè nim nmò le ni gónón deng tmakas Dwata. Ne ni, deng nô ta le ne yóm ktafaken kul.

Kun Snulat Luk 19:7

Bè yóm kton kem tau du nim ni, deng mom gotu senlón le, mon le, “Moen tau ni ke deng mom mauy bè gónô yóm tau gemsalà?”

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

Kul Nmò 13:45

Timbow ton yó kem Ju yóm tey tau wen, deng mom mélés nawa le le Pol. Deng mom hennê le yóm tulón nwit Pol, lel le semdekà du.

Kun Snulat Luk 15:2

Yó gel slón le ke Jisas yó kem Farisi ne yó kem tau gel tmolok hlau, mon le, “Nim Jisas ni, sónmoen tendo gel hmódó yó kem tau gemsalà, lelen gel segbót mken bélê le.”

Kun Snulat Luk 5:30

Timbow ton le lu yó kem Farisi ne yó kem dumu le gel tmolok hlau, tódô le mógów ebè yó kem tau lemolò ke Jisas, ne mon le mò kul, “Moen de ke deng ye mom segbót mken bè tu kem tau gel mtuk bwis ne yó kem dumu tau gemsalà yóó?”

Matyu 20:10

Ngangen ne snukéyen yó kem tau gna sut bè yó. Ofo kul ke bong kul sukéy, okóm là. Tódô senged se.

Matyu 20:12

mon le mò du, ‘Yó kem tau huli sut yó, là dengen legen he yóm kul kmò nmò, hanà tek sotu uras le. Blaem nim kum, deng sendaw me ni ne htanggas bè nóng kdaw, tódô kóem gotu hsengedem sukéy me.’

Mark 14:5

Mom hyu he ke tódô hbaluen, ominen bemlay du bè yó kem tau élél yóm blihen. Kóyów sukéy sotu tau mò nmò sfalay btesen yóm hboo namaen yó.” Tey kbólów le du yóm libun yó.

Kun Snulat Jan 6:41

Lemwót yó kem tau, deng mom gotu senlón le Jisas yóm kmonen du, “Ou se yóm ken lemwót gu bè longit.”

Kun Snulat Jan 6:61

Bede tódô tngón Jisas yóm keslón le, yó gónón mon du mò kul, “Sidek kegnóm ye du kô lemwót bè nim toloku ni?