Matyu 2:7 - Udél Dwata: Gna Kesfasad ne Lomi Kesfasad

⁷ Bè yóm kungol Hirod du yóm tehe hsulat Dwata yó, ominen lemifut tminok yó kem tau hulung hménég blotik yó koni, snólóken bélê le yóm kdaw kegfanen bélê le yóm blotik ton le yó.

Matyu 2:7 Referans Kwoze

Kem Lingón 55:21

Tey lendey udélen, okóm lem but blututen hono utó nawa. Tey hyu udélen anì monem ktelem sudeng.

1 Samwél 18:21

Yó hendemen, “Ni yóm sotu lan hmolot ke Dabid anì hnatay yó kem Flistin.” Okóm yó udélen ebè Dabid, monen, “Bud wen se kmò klanen anì gtowuhu uu.”

Kehewà 1:10

Ke wen hohon mit sgida bélê tekuy, tódô le mung bélê le ne gnida le tekuy, omin le yó lemwót hewà bè nim benwu tekuy ni. Yake mebel tekuy lan anì là hol le bud mból ni kem tau ni.”

Deng Hegfan 12:15

Ne yó bud nmò yóm swaga yó koni, nan e hektes yóm libun yóm tey dunuk bong lemwót gu lem baken. Kóyóen ke tô konul du.

Lista 24:17

Tódóe mugod igou tolo temngel. Tódô htonen do yóm mò kmoen elem hulin kdaw. Tódô eles gmatahu yó kem tau Israél. Angat wen tau hol geta bélê le kun lemwót bè kul ból hol lómón keslinangen yóm blotik alì mnóng, wen tey kegbeken. Angat genlaen yó kem tau bè benwu Muab ne gomong genlaen yó kem tau Sét.

Matyu 2:1

Bè Bitlihim tehe gónó Jisas sut, yóm sotu benwu udì bè prubinsya Judiya. Bè yóm kdaw yó, Hirod yóm tau hol geta bè yó. Timbow deng malù legen udì yóm ksut Jisas, wen kem tau hulung hménég blotik gdek bè syudad Jirusalim, lemwót le fi gu dmata kdaw. Wen snólók le bè yó kem tau bè yó, mon le,

Matyu 2:8

Timbow deng tngónen, ominen hógów kul ebè Bitlihim, monen mò kul, “Hlós ye sen, mógów ye kut ebè Bitlihim na ye e hnebel yóm ngà lomi sut yó. Kesok ton ye, na ye e tulón dou dini anì naw e gbót hnódó se do.”

Matyu 2:16

Timbow dilô Hirod yóm deng kegsukaten bè yó kem tau hulung hménég kógów blotik, ya tey sidek kebuten. Yó nmoen, gotu hfatayen kdéen ngà logi tolo udì bè Bitlihim ne yó kem dumu benwu hmilol bè yó. Lemwót bè yóm ngà logi tolo hulô efet kól bè yóm ngà logi deng lewu halayen, gotu hfatayen lu. Deng eles nsóhen yóm deng kegenen sut yóm blotik lemwót bè yóm ktulón le du du yó kem tau hulung hménég kógów blotik.

Kul Nmò 24:22

Bong ke Gubérnor Filik kun, deng hónô tngónen ne yóm mò klan yóm ktolok Jisas, yó gónón temflok du yóm udél Pol, yó monen, “Bê tekuy tagad hendeng he. Na kuy hangat Kmandér Lisiyas sok kól dini.”