Matyu 2:23 - Udél Dwata: Gna Kesfasad ne Lomi Kesfasad

²³ Tahu se, ne bè yó gónó le nô bè yóm sotu benwu udì boluyen Nasarit. Ni se deng gónón dohò yóm tehe mon yó kem tehe gna tugod Dwata ekni, yóm mon le, “Angat boluy le du tau lemwót bè Nasarit.”

Matyu 2:23 Referans Kwoze

Kmukum 13:5

Angati mlutut ne mngai logi, hol béem abay kenleng weken abay se tódô lemwót bè ksuten kehetfingem du ebè Dwata mò tau Nasarit. Du mò angat mbut du yóm kegewà yó kem tau Israél gu lem hólól yó kem tau Flistin.”

Mark 1:24

“Ó Jisas lemwót bè Nasarit, tedu hendufem bélê me ni du? Nam e tô genlà mi kô? Dilóu uu, uu se yóm mólós hógów Dwata.”

Matyu 26:71

Ne bud mógów ebè bak tikeb yóm labat. Ne bud wen sotu ngà libun mton du, ne monen mò yó kem tau bè yó, “Ni se sotu tau gel mung ke Jisas, yóm tau lemwót bè Nasarit.”

Matyu 1:22

Bè ni kem ni, deng tódô tahu edu yóm tehe tulón Dwata hlanen bè yóm sotu tehe gna tugoden, yóm monen,

Kul Nmò 24:5

Nim Pol ni,” monen, “són sembeweg kem tau menwu nmoen. Sónmoen tendo hesbeweg kehedem kdéen Ju bè klamangen benwu. Du se gel malak yó kem tau lemolò du yóm kun tolok yóm tehe tau lemwót gu bè Nasarit.

Kul Nmò 2:22

Ne bud mon Pitér, “Ó kem dou dumu tau Israél, hol hnungol ye nim monu mò kuy ni. Yóm Jisas lemwót bè Nasarit, deng hógów Dwata edini lem benwu. Yó gónó Dwata hdilô du yóm khógówen du, duhen yó kem hentaw ton deng gel hmò Dwata du lem blóng tekuy. Tódô gotu tngón ye snéen kuy ni kem ni, abay se deng tehe nmoen lem blóng ye bè ni.

Kun Snulat Jan 19:19

Wen snulat Paylét dket le senta kulu Jisas bè yóm kros. Yó snulaten, monen, “Jisas lemwót bè Nasarit, Tau Hol Geta bè yó kem Ju.”

Kun Snulat Jan 18:7

Bud snólók Jisas lu, monen, “Tau du hnebel ye?” Bud mon le se, “Jisas lemwót bè Nasarit.”

Kun Snulat Jan 18:5

Mon le se, “Jisas lemwót bè Nasarit.” Mon Jisas se, “Ni se ou.” Mdà lem blóng le Judas, yóm tau mlay du sumóng.

Kun Snulat Luk 2:39

Timbow deng gotu nmò Jusif ne Midi yó kem hlau yóm gónó le mogot, omin le yó he bud mulék ebè yóm sana kul benwu bè Nasarit snakuf Galili.

Kun Snulat Luk 1:26

Tikóng deng nem ne bulónen yóm bnutut yehen Sekariya, bud hógów Dwata Gabrél etu bè Galili ebè yóm sotu benwu udì boluyen Nasarit.

1 Samwél 1:11

Wen fasad mget nmoen bè Dwata, monen, “Ó Dwata yóm Dwata laen dù là gbeken du, hol tenngelem o yóm sotu tóbóng lówóhem. Hol tenngelem yóm gónón sidek kegnómu du. Ke hentulónem o nawa ne ke bnalaem yóm hnihu ne ke hngaem o logi, wen fasadu kóm. Bud blayu kóm yóm ngà yó bè yóm klawihen mowil ne là kô gel kenleng du weken mò ilô yóm deng kehetfing du ebéléem.”

Matyu 21:11

Bnalà yó kem tey tau sbung, mon le, “Ni se yóm Jisas, yóm tugod Dwata lemwót bè Nasarit, yóm sotu benwu bè prubinsya Galili.”

Mark 1:9

Sotu kdaw bè yó, sut bè Jan Jisas, lemwót gu bè Nasarit, yóm benwu udì glem prubinsya Galili. Yó nógówen, nan e hbabtays ke Jan bè él Jurdan. Tahu se, bnabtays Jan Jisas.

Kun Snulat Luk 18:37

Ne wen mon du mò du, “Mlan bè ni Jisas, yóm tau lemwót bè Nasarit.”