Matyu 2:22 - Udél Dwata: Gna Kesfasad ne Lomi Kesfasad

²² Timbow gungol Jusif, yóm ngà Hirod boluyen Arkilus tles mogot bè prubinsya Judiya, yó gónó Jusif likò bud nô bè yó. Bud hekna Dwata ke Jusif anì hlós ebè prubinsya Galili.

Matyu 2:22 Referans Kwoze

Kun Snulat Luk 2:39

Timbow deng gotu nmò Jusif ne Midi yó kem hlau yóm gónó le mogot, omin le yó he bud mulék ebè yóm sana kul benwu bè Nasarit snakuf Galili.

Kun Snulat Jan 7:52

Yó balà le ke Nikudimus yó kem dumun Farisi, mon le, “Tauhi lemwót bè Galili kô kóm? Hennagiem dé yóm Sulat Dwata, nénégem ke wen tugod Dwata lemwót bè Galili.”

Matyu 3:13

Bè yóm tolo lel Jan mabtays bè él Jurdan, sut béléen Jisas lemwót gu bè prubinsya Galili. Yó nógówen, nan e hbabtays ke Jan.

Matyu 2:19

Timbow deng matay Hirod, wen bud hógów Dwata gu bè longit na a hegfan bè kna Jusif ditu bè Idyip, monen mò du,

Matyu 1:20

Yóm igoen tolo hemdem du yóm yó, tódô wen hógów Dwata gu bè longit hegfan béléen bè knahen, monen mò du, “Ó Jusif, semfu gu bè Dabid, béi hengayà myehen ke Midi abay se lemwót bè Tulus Dwata yóm bnututen.

Isaya 30:21

Ke wen gónó ye tlas bè yóm lan lolò ye, bè iwóng ye duhen ke bè kwanan ye, wen udél Dwata gungol ye gu tekwang ye monen mò kuy, “Ni dé lan lolò ye.”

Kem Lingón 121:8

Tendo nofin Dwata uu bè yóm gel kógówem lenwóten ni laen kô dù tul sónen.

Kem Lingón 73:24

Yóm kesgalakem dou, sal gel mlan bè yóm gel kehlauhem dou. Bè yóm angat són klowilu, angat hegfanem yóm kadatem dou bè yóm khódóhem dou.

Kem Lingón 48:14

Yóm tey kbegelen yó, hol lómón yó se kun kmò Dwata. Ne laen dù tul sómnen yóm keDwata tekuy du. Du se fen malak tekuy efet kól bè katay tekuy.

1 Samwél 16:2

Okóm yó mon Samwél, “Tedu de mò kmou du? Ke angat gungol Sol, déke tódô hnatayen o.” Ne yó balà Dwata du, monen, “Miti sotu safì libun ebè Bitlihim, yóm là dengen mngà ne tulónem yó kem tau bè yó, monem, ‘Mógówe edini naw e demsù ebè Dwata.’

Matyu 2:1

Bè Bitlihim tehe gónó Jisas sut, yóm sotu benwu udì bè prubinsya Judiya. Bè yóm kdaw yó, Hirod yóm tau hol geta bè yó. Timbow deng malù legen udì yóm ksut Jisas, wen kem tau hulung hménég blotik gdek bè syudad Jirusalim, lemwót le fi gu dmata kdaw. Wen snólók le bè yó kem tau bè yó, mon le,

Matyu 2:21

Tahu se, btik Jusif, nwiten yóm ngà lewu le yéen, mulék le ebè Israél.