Matyu 2:16 - Udél Dwata: Gna Kesfasad ne Lomi Kesfasad

¹⁶ Timbow dilô Hirod yóm deng kegsukaten bè yó kem tau hulung hménég kógów blotik, ya tey sidek kebuten. Yó nmoen, gotu hfatayen kdéen ngà logi tolo udì bè Bitlihim ne yó kem dumu benwu hmilol bè yó. Lemwót bè yóm ngà logi tolo hulô efet kól bè yóm ngà logi deng lewu halayen, gotu hfatayen lu. Deng eles nsóhen yóm deng kegenen sut yóm blotik lemwót bè yóm ktulón le du du yó kem tau hulung hménég kógów blotik.

Matyu 2:16 Referans Kwoze

Isaya 59:7

Tendo gel natul ye yóm sidek ne tey kódód ye géhél mò du. Tey mahil bélê ye hmatay yó kem tau laen dù sidek nmò le. Balù kihu gónó ye e solu, tey wen tau gel hensidek ye ne hnayam ye.

Kem Udél Hlalak Tehe Selumun 28:15

Yóm tau élél laen kô dù gmoen bè yóm tau hol geta gel mò sidek, tey sidek klóbóen hol lómón ke mngel yóm mon le liyun, ne yóm klóngónen sembitek yóm mon le bér.

Deng Hegfan 17:6

Ne tódô tonu se deng hlengel yóm libun yó lemwót bè yóm gel kinumen yóm litô yó kem tau hemtahu bè Dwata deng hnatayen ne litô yó kem tau là monol nawa le ebè Jisas. Bè yóm ktonu du, ya tey sidek kehtawu du.

Danyél 3:13

Uni Nibukadnisar mungol du yóm tifù le yó, ya tey sidek kebuten, tódô kendel htabahen le Sadrak ne Misak ne Abidnigu. Tikóng le kól bè yó

Isaya 26:21

Yakà mógówen edini Dwata lemwót gu bè yóm gónóhen nô bè longit nan e tnafak salà yó kem tau te tonok. Angat gotu hetngónen yó kem tau tehe monok là gfanen. Là bud gebnos tonok du se kun yóm tehe gónó le lembeng yó kem tau bnonok le.

Kmukum 16:10

Yó bud mon Dilayla mò ke Samsun, “Tey kóem nmoem béléu ni du, hnowonem ou. Là kô tulónem du do yóm ktahuhen. Hol tulónem do dé ke tedu nmò le béléem anì gfét le uu.”

Tekang Kbuten 49:7

Dwata he angat tmafak kul lemwót bè yóm kebut le, alì gedlug klóbô le ne alì gulé ksideken yóm gel nmò le. Gotu senklahu lu bè klamangen tonok Israél. Gotu hlanahu lu lem blóng yó kem dumu le.

Kem Udél Hlalak Tehe Selumun 28:17

Yóm tau deng monok són moen metem efet katayen, béen wen tmóbóng du.

Lista 24:10

Bè yóm kungol Balak du yóm udél Balaam yó koni, tey sidek kebuten du botong gesdofien hólólen ne yó monen mò ke Balaam, “Yó gónów htaba kóm anì henmulaem yó kem hohonu, okóm deng mom tlu dulékem ne muyag kul.

Lista 22:29

Ne yó balà Balaam du, monen, “Henyakem ou se me. Ke yó dum wen sudengu, tódô hnatayu u ni.”

Tekang Kbuten 39:17

Timbow kól, bud senged se tulónen du, monen, “Yóm tau Hibru hesek nwitem ebè ni, deng noloen ou lem dfél, tô henyaken ou.

Tekang Kbuten 39:14

tódô kendel tnabahen yó kem dumu tau gel mò nmò bè yó, monen mò kul, “Hnénég ye dé. Yóm tau Hibru nwit tuha logihu ebè ni, tey kehyaken tekuy. Tódô noloen ou ditu lem dfél, bede laen kô dù gmoen abay se tey klangatu.

Matyu 2:1

Bè Bitlihim tehe gónó Jisas sut, yóm sotu benwu udì bè prubinsya Judiya. Bè yóm kdaw yó, Hirod yóm tau hol geta bè yó. Timbow deng malù legen udì yóm ksut Jisas, wen kem tau hulung hménég blotik gdek bè syudad Jirusalim, lemwót le fi gu dmata kdaw. Wen snólók le bè yó kem tau bè yó, mon le,

Matyu 2:7

Bè yóm kungol Hirod du yóm tehe hsulat Dwata yó, ominen lemifut tminok yó kem tau hulung hménég blotik yó koni, snólóken bélê le yóm kdaw kegfanen bélê le yóm blotik ton le yó.

Matyu 2:17

Bè yóm nmò Hirod yó, deng gónón dohò yóm tehe tulón yóm sotu tehe gna tugod Dwata ekni boluyen Jirimaya, yóm monen,

Deng Hegfan 12:4

Bè yóm kwelen tukô ikongen, botong gbut bè yó kem blotik bè longit gbek nkélen etlaan talak tonok. Ne yó nmoen, tódô lemfen bè solu yóm libun, nangaten ksut yóm ngaen anì tô hlohen.