Matyu 2:15 - Udél Dwata: Gna Kesfasad ne Lomi Kesfasad

¹⁵ Ngang le nô bè yó efet matay Hirod. Ni se deng kdohoen yóm tehe mon Dwata bè Sulaten, hlanen bè yóm sotu tehe gna tugoden ekni, yóm monen, “Tnabahu yóm Ngau anì mulék gu bè Idyip.”

Matyu 2:15 Referans Kwoze

Husiya 11:1

Yó udél yóm sana Dwata hol gónó mogot, monen, “Bè yóm hanà tolo kegenen ngà Israél, tey kbong nawahu du ne botong tnabahu gu bè Idyip yóm ngau logi yó.

Kehewà 4:22

Duhen yó, hol tulónem du yóm udélu ni, yóm monu, ‘Yó kem tau Israél, hol tau dou nélék, hol lómón ke lu se yóm ngau logi twogu.

Lista 24:8

Deng nit Dwata lu hewà gu bè Idyip. Du se mit sfatay bè yó kem hohon le, hol lómón kmoen ke safì tudu alì sidek klóbóen. Angat genlaen yó kem hohonen. Gotu tenfoken yó kem tiol le, gotu gentien lu.

Kun Snulat Luk 24:44

Omin Jisas yó bud mon du mò kul, “Yóm deng katayu lem blóng ye, ne yóm bud klowilu, ni se yóm tehe deng gel tulónu kuy bè yóm hanà tolo knóu lem blóng ye. Nan na gotu dohò etahu he kdê yó kem tehe deng snulat Musis, dalang se yóm kul tehe gel snulat yó kem dumu gna tugod Dwata kkólen bè yóm tehe snulat le bè yóm bok Lingón.”

Matyu 1:22

Bè ni kem ni, deng tódô tahu edu yóm tehe tulón Dwata hlanen bè yóm sotu tehe gna tugoden, yóm monen,

Matyu 26:54

Okóm ke yó nmou, tedu se tô kdohoen du yóm deng tehe hsulat Dwata golu etahu?”

Matyu 21:4

Ni se deng gónóhen dohò yóm tehe snulat yóm sotu tehe tugod Dwata ekni, yóm monen,

Matyu 8:17

Nim nmoen ni, deng gónóhen dohò yóm tehe udél Isaya, yóm sotu tehe gna tugod Dwata ekni, yóm monen, “Balù kihu des tekuy, gotu kóhen.”

Matyu 2:23

Tahu se, ne bè yó gónó le nô bè yóm sotu benwu udì boluyen Nasarit. Ni se deng gónón dohò yóm tehe mon yó kem tehe gna tugod Dwata ekni, yóm mon le, “Angat boluy le du tau lemwót bè Nasarit.”

Matyu 2:19

Timbow deng matay Hirod, wen bud hógów Dwata gu bè longit na a hegfan bè kna Jusif ditu bè Idyip, monen mò du,

Matyu 2:17

Bè yóm nmò Hirod yó, deng gónón dohò yóm tehe tulón yóm sotu tehe gna tugod Dwata ekni boluyen Jirimaya, yóm monen,

Kun Snulat Jan 19:36

Bè yóm là ketfok le ti Jisas yó deng gónón dohò yóm tehe hsulat Dwata, yóm monen, “Laen kô dù angat tenfok le bè yó kem tiolen.”Ne yóm sotu tehe snulat le, yóm monen, “Angat sentngel le yóm tau ndek le buyus.”

Kun Snulat Jan 19:28

Tódô tngón Jisas se deng gotu deng ne yóm kdéen, ne yó monen, “Meenge.” Yó gónón mon du yóm yó, mò gónón dohò yóm tehe hsulat Dwata.

Matyu 26:56

Okóm nim nmò ye béléu ni, deng gónón dohò yóm tehe hsulat Dwata yó kem gna tugoden.” Bè yóm kekfô le ke Jisas yó, deng mom gotu sentagak yó kem gel lemolò du, mlóy le.

Kul Nmò 1:16

Mdà Pitér lem blóng le, ne monen mò kul, “Ó kem dumuhu setwoli, wen udél tehe eles htugod Dwata ke Dabid ekni, hlanen bè yóm Tulusen. Yóm udél Dwata yó, deng dohò eta Judas ne, yóm tau fen malak yó kem tau kemfô ke Jisas.

Matyu 27:35

Omin le tmutuk du bè kros. Yó nmò yó kem sendalù, sensatù le yó kem nes Jisas.

Matyu 2:14

Tahu se, btik Jusif, ne kendel nwiten yóm ngà lewu le yéen, ne tódô le kem mógów kifu etu bè Idyip.