Matyu 2:13 - Udél Dwata: Gna Kesfasad ne Lomi Kesfasad

¹³ Yóm kogol le mulék yó kem tau hulung hménég blotik yó, wen bud hógów Dwata gu bè longit bud hegfan bè kna Jusif, monen mò du, “Ó Jusif, btiki ne, géhél nwitem yóm ngà lewu le yéen etu bè Idyip. Tódô ye na nô ditu efet kól bè yóm bud khuléku kuy edini, yakà angat hfebel Hirod du yóm ngà anì hfatayen.”

Matyu 2:13 Referans Kwoze

Kul Nmò 12:11

Yó he ketngón Pitér du là kemnahen. Ne mon nawahen, “Ni he ketngónu du ktahuhen nim ni. Deng wen hógów Dwata gu bè longit mò lemwà do lem tdok Hirod anì là gmò le du béléu yóm kul kóyô yó kem dumuhu Ju.”

Kul Nmò 10:7

Tódô bud lemwót yóm hógów Dwata yó koni, ne omin Kurnilyus tmaba lewu bè yó kem tau gel mò nmò lem gónóen, getlu le yóm sotu sendalù alì snaligen, deng hemtahu bè Dwata snéen kun.

Kul Nmò 5:19

Okóm bè yóm kifu yó, wen hógów Dwata gu bè longit sut bélê le bè yó lem blanggù, ne tódô lenungkaen bélê le yóm tikeb blanggù, ne niten lu hewà. Mon yóm hógów Dwata mò kul,

Matyu 2:12

Bè yóm kulék le, tólóng ne lan lolò le, abay se bud wen hekna Dwata kul anì là bud le mlan bè Hirod sok le mulék.

Matyu 1:20

Yóm igoen tolo hemdem du yóm yó, tódô wen hógów Dwata gu bè longit hegfan béléen bè knahen, monen mò du, “Ó Jusif, semfu gu bè Dabid, béi hengayà myehen ke Midi abay se lemwót bè Tulus Dwata yóm bnututen.

Kehewà 1:22

Ngangen bud wen udin nmò Faro bè yó kem tau Idyip, yó udin nmoen, monen, “Kdéen ngà logi Hibru lomi sut, gotu bot ye lu elem él Nayl. Okóm yó kem ngà libun, fen hlowil ye lu.”

Matyu 2:16

Timbow dilô Hirod yóm deng kegsukaten bè yó kem tau hulung hménég kógów blotik, ya tey sidek kebuten. Yó nmoen, gotu hfatayen kdéen ngà logi tolo udì bè Bitlihim ne yó kem dumu benwu hmilol bè yó. Lemwót bè yóm ngà logi tolo hulô efet kól bè yóm ngà logi deng lewu halayen, gotu hfatayen lu. Deng eles nsóhen yóm deng kegenen sut yóm blotik lemwót bè yóm ktulón le du du yó kem tau hulung hménég kógów blotik.

Job 33:15

Ke kifu bè yóm igò tau henga tungô, wen gel hekna Dwata kul ne wen gel htonen kul.

Job 33:17

Mudél ebélê le anì tenflok le yóm kmò le salà ne anì là bud le gfét bè yóm kehegeta le knô le.

Juswa 4:18

Bè yóm khotun le ete kembu, tódô bud mulék se lel yóm él ne sana tolo kdunuken.

Deng Hegfan 12:14

Okóm wen hafak blay Dwata du yóm libun yó, lómón hafak yóm banug bong anì tódô móyóng etu bè yóm benwu laen dù tau menwu du, ne bè yó gónón wen tendo semgyok du efet tlu halay sóól. Laen kô dù bud gmoen béléen bè yó yóm swaga.

Kul Nmò 16:36

Tahu se. Mon yóm tau mentey blanggù mò ke Pol, monen, “Wen udél hwit yó kem tau mogot kukum anì hewau yu kun. Yó ne, yake hewà ye ne. Dwata he hol henek nawa ye.”

Kul Nmò 10:22

Mon le se, “Hógów Kfitan Kurnilyus mi edini. Tey hyu kmoen yóm kfitan tu, tau hemtahu bè Dwata, ne tey kadat le du kdê yó kem Ju. Deng wen hógów Dwata gu bè longit sut béléen, hfangayen uu ne anì gungolen yóm tulón gel nwitem.”

Kul Nmò 7:19

Yóm tau hol geta yó, snukaten yó kem tehe fù tekuy, ne tey kehlayamen kul. Wen udin nmoen bélê le anì tódô sù le lu lem bnes yó kem ngà lomi sut anì matay le.

Matyu 10:23

Ke hnayam le yu bè sotu benwu, tódô ye mlóy ebè dumu benwu. Tódô tulónu kuy ktahuhen, là kô na ye e deng gdeng du he yó kem hmou kuy bè kdê yó kem benwu bè klamangen Israél, deng sana bud kól yóm Ngà Tau.

Juswa 3:17

Lemwót yó kem tau fen mit yóm Slungan Fasad yóm Slungan yóm sana Dwata hol gónó mogot, fen le mdà hol bè gónón sóól Él Jurdan bè yóm gónón mékéng tonok. Ngang le mdà bè yó efet le deng gotu mius yóm kdéen tau Israél mlan le bè gónón mékéng tonok.

Deng Hegfan 12:6

Kewóten se kun yóm libun yó, mlóy etu bè tum benwu laen dù tau menwu du. Yóm benwu deng eles hentifes Dwata béléen mò gónón semgyok du efet deng yóm tlu halay bud sóól.

Juswa 4:10

Ngang le mdà bè gónón sóól lel Él Jurdan yó kem tau fen mit yóm Slungan Fasad efet deng gotu deng yóm hmò Dwata ke Juswa, yóm deng eles tulón Musis du.

Juswa 3:13

Lemwót yó kem tau gel blóng ebè Dwata fen mit yóm Slungan Fasad yóm Slungan yóm sana Dwata hol gónó mogot mfun yóm klamangen, ke dà le lem él ti le tódô teflok lel yóm él yó ne tódô segbusung ditu fi leged.”

Deng Hegfan 12:4

Bè yóm kwelen tukô ikongen, botong gbut bè yó kem blotik bè longit gbek nkélen etlaan talak tonok. Ne yó nmoen, tódô lemfen bè solu yóm libun, nangaten ksut yóm ngaen anì tô hlohen.

Matyu 2:22

Timbow gungol Jusif, yóm ngà Hirod boluyen Arkilus tles mogot bè prubinsya Judiya, yó gónó Jusif likò bud nô bè yó. Bud hekna Dwata ke Jusif anì hlós ebè prubinsya Galili.

1 Bok Kem Tau Hol Geta 3:5

Bè yó bè Gibyun bè yóm kifu yó, hegfan bè Selumun Dwata, bede hlanen bè knahen, ne snólók Dwata, “Tedu de nóyóem? Mnihi béléu, ne blayu kóm?”

Matyu 2:14

Tahu se, btik Jusif, ne kendel nwiten yóm ngà lewu le yéen, ne tódô le kem mógów kifu etu bè Idyip.

Kul Nmò 12:7

Tódô wen hógów Dwata gu bè longit sut bè yó, ya tey klayagen lem yóm blanggù. Ominen leminggil bemtik ke Pitér, nogoten bè abalen, monen, “Géhéli ne, Pitér, btiki.” Tahu se, btik Pitér. Tódô gotu bkas yó kem kdina fét le bè sigelen.

1 Bok Kem Tau Hol Geta 11:17

Okóm ke Hadad, ne wen bè yó kem genlal maen fen le mlóy etu bè Idyip. Hanà tolo ngà he Hadad bè yóm kdaw yó.