Matyu 2:11 - Udél Dwata: Gna Kesfasad ne Lomi Kesfasad

¹¹ Yóm kkól le bè yó, tódô le husek elemen, ne ton le se yóm ngà lewu le Midi, yóm yéen. Uni le mton du, tódô le henmung mtud bukol klohoken ne ya tey kdóyón le du. Omin le makat yó kem kimu alì mebtes nwit le mò basa le du. Wen se tahu blówónen, ne wen se yóm alì minggel boohen boluyen insinsu ne mira.

Matyu 2:11 Referans Kwoze

Isaya 60:6

Angat tonem yó kem genged kamél lemulón stodol gu bè benwu Midyan ne Ifa. Wen se lemwót gu bè Siba, mit le tahu blówón ne insinsu. Angat wen hyu tulón nit le, duhen yóm deng nmò Dwata bélê le.

Kem Lingón 72:10

Yó kem tau hol geta bè kem Kestilà, ne yó kem tau hol geta bè yó kem hungul te mohin, gotu le angat mógów ebéléen na le e benlay basa. Dalang se yóm tau hol geta bè benwu Syiba ne yóm tau hol geta bè benwu Siba, gotu le angat mógów ebéléen na le e benlay basa.

Kun Snulat Luk 2:16

Tahu se, tódô le kendel hetlagad lemwót, ne sut le bè Midi ne Jusif, ne ton le yóm ngà hlilil ta yóm gónó le gel hemsù ken kudà.

Matyu 2:2

“Gónóhen seblà sut de yóm ngà mò angat geta bè yó kem Ju? Deng ton me gu ditu bélê me yóm blotik mò ilô yóm ksuten. Nim nógów me ni, na me e hnódó.”

Kem Lingón 95:6

Géhél ye ne, mtud kuy bukol bè soluhen, ne tmaba kuy ebéléen. Du se yóm hol gónó tekuy mogot, yóm tehe mifil tekuy.

Kem Lingón 72:15

Dwata he hol htahà klowilen yóm tau hol geta bélê me. Yake wen blówón lemwót bè benwu Syiba blay le du. Yake tódô seflós yóm gel kni le béléen bè Dwata yó kem kun tau anì tendo tnóbóng Dwata.

1 Bok Kem Tau Hol Geta 10:2

Bè yóm kkólen bè Jirusalim, mung du yó kem tey dê tóbóng lówóhen, tey wen kamél nwit le lemulón yóm kdê kay som, ne kem tahu blówón, ne yó kem botu sminang alì mebtes. Tikóng le ston Selumun, gotu snólóken bè Selumun yóm kdê nô lem hendemen.

Deng Hegfan 19:10

Botonge tódô hegluduk klohok tihen lanu tô dmóyón du, okóm mom yó monen mò do, “Bê. Béem nmò yó. Tódô senged kut fen gel tóbóng lówó Dwata. Dalang se yó kem dumuhem setwoli là mkó du nawa yóm ktahuhen tehe gel tolok Jisas kul. Olon Dwata dé hol dóyónem.” Yakà ktahuhen du yóm tehe tolok Jisas, yóm ktahuhen yó tehe gel htulón Dwata yó kem tugoden ekni.

Matyu 14:33

Yó kem dumu gel lemolò ke Jisas nô lem yóm ówóng yó, botong tud le bukol le bè soluhen, mon le, “Tahu uu se yóm Ngà Dwata.”

Deng Hegfan 5:8

Timbow deng nwahen, tódô lemwót yó kem fat mtulus ne yó kem lewu folò fat tau tuha, gotu le hegluduk bè soluhen. Sket kul mogot heglung ne tukung blówón. Yó kem tukung blówón yó, tódô henok lemen yóm alì minggel boohen boluyen insinsu, yóm gel ntem le ebè Dwata. Yóm gel hboo le ebè Dwata yó, yó hnigaden yóm gel kni yó kem kun tau Dwata.

Kun Snulat Luk 2:38

Bè yóm uras yó, tódô gesmangen se kun yóm ngà yó bè Gónô Dwata, ne gbót dóyónen Dwata. Kewóten bè yó ne tendo tmulón yóm ngà ebè yó kem tau tendo gel mangat yóm angat kehewà Dwata yó kem tau Israél.

1 Samwél 10:27

Okóm wen kem tau bè yó fen gel hesbeweg benwu mudél sidek eta Sol, mon le, “Tô kegbeken lemwà tekuy du yóm tau ni?” Ne tey kehnê le du ne là kô le dog mit ebéléen yóm mò basa le du. Okóm tódô henek Sol.

Tekang Kbuten 43:11

Ne mon mà le se mò kul, “Ke lómón se yó kmoen, lemwót ye sen. Bede mit ye yó kem hyu bélê tekuy bè ni mò basa ye tum gubérnor tu. Mit ye béléen yóm litok koyu alì tilob boohen ne wen tneben ne wen yó kem dê kay som ne wen kem bungu koyu ken lemen lemwót bè yó kem koyu pistasyu ne koyu almun.

Malakay 1:11

“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.

Kem Lingón 45:8

Yóm nesem, boohen yóm hboo alì minggel boluyen mira ne alus ne kasya. Bè yóm knóem lem yóm gónô bongem klóónen yóm sotu ngom bukay alì mebtes, hfungol le kóm uni yó kem kenbit le mò hmigal kóm.

Kem Lingón 2:12

bè yóm keheglaan ye béléen. Déke kendel msut lebuten, ngem kà tódô ye matay mekto. Tey kehligal le kul yó kem tau tendo gel hofin béléen.

1 Bok Kem Tau Hol Geta 10:10

Omin yóm libun boi bè Siba bemlay du ke Selumun yó kem basa nwiten. Botong mukas fat libu kilu keblaten yóm tahu blówón blayen, ne tey wen he yó kem dê kay som deng hékéng le, ne yó kem tey dê botu sminang alì mebtes. Yóm kwen yóm som blayen du yó, là kô deng hnikót lómónen du yó he kwen yóm som deng blay le ke Selumun.

Matyu 1:18

Ni se mò kewóten yóm tehe ksut Jisas Krays. Yóm yéen Midi, deng leninti yóm sotu sawang logi boluyen Jusif. Okóm yóm gu laan le là deng sgefet, tódô mlutut Midi mlan bè Tulus Dwata.

Matyu 12:46

Bè yóm tolo lel Jisas mudél ebè yó kem tey tau sbung ebéléen, sut le se bè yó le yéen ne yó kem twolihen, tô le móyô stulón du, okóm olo le tódô mdà bè lewaen.

Kun Snulat Jan 19:39

Bè yóm kógów Jusif yó, mung du Nikudimus, yóm tau tehe mógów ebè Jisas kifu. Wen nwiten yó kem alì tilob boohen deng eles senboolen boluyen mira ne alus, wen dô limu folò kilu keblaten.