Matyu 19:9 - Udél Dwata: Gna Kesfasad ne Lomi Kesfasad

⁹ Tódô tulónu kuy,” mon Jisas, “yóm logi ke kóhen yehenen igoen se là mdà du ne ke bud myehen dumu libun, yó nmoen yóm tau yó, deng ndaen ne yóm libun gna yehenen.”

Matyu 19:9 Referans Kwoze

Matyu 5:32

Okóm yóm dou tulón kuy, là hyuhen yóm logi ke tódô kóhen yóm yehenen igoen là mdà du. Ke bud myehen dumu logi yóm libun yó, deng mdà yehen se kun, okóm yóm logi gna yehenen, du buten yóm kegsalaen. Ne yóm logi bud myehen du yóm libun yó, bud salaen bè Dwata se kun.”

Kun Snulat Luk 16:18

Ne bud mon Jisas, “Yóm logi ke kóhen yehenen ne bud myehen dumu libun, deng ndaen ne yóm libun gna yehenen. Ne ke wen dumu logi bud myehen du yóm libun yó, bud salaen bè Dwata se kun.”

1 Kurin 7:39

Là kóen hyu yóm libun ke skó bè yehenen ne bud myehen igoen tolo mowil yóm gna yehenen. Okóm ke deng matay se yóm gna yehenen, là sideken ke bud myehen syan ke dumuhen hemtahu.

1 Kurin 5:1

Deng wen tmulón du bélê me dini yóm kmoen samuk yóm sotu tau bélê ye, mom nugeten yê hulihen. Tey sidek yóm nmò yó. Balù yó he kem tau là deng le hemtahu bè Dwata, sana tey kekbê le du yóm nmò yó.

Tekang Kbuten 20:3

Okóm sotu kifu, hegfan bè kna Abimélék Dwata, ne monen mò du, “Dengi matay se kóm, abay se yóm libun nwahem ni, wen yehenen.”

1 Kurin 7:4

Abay se yóm libun deng myehen, là bud kun du funen ne yóm lówóhen, okóm yó mfun du, duhen yóm tuha logihen. Dalang se yóm logi, là bud kun du funen ne yóm lówóhen, okóm yó mfun du, duhen yóm tuha libunen.

2 Tutul Israél 21:11

Lelen yó he wen gónô tmaba ebè dwata kéng hdaen ta yó kem bulul bè Juda, nalaken yó kem tau bè Jirusalim ne yó kem tau bè Juda tmaba ebè yó kem dwata kéng.

Matyu 19:8

Bnalà Jisas se, monen, “Yó gónó Musis smulat du yóm hlau yó, lemwót bè yóm alì kehlom nawa ye mò sidek se. Okóm bè hol kbuten, là kô na a kóyô Dwata du se yóm skó bè yehen.

Matyu 19:10

Mudél le se kul yó kem gel lemolò ke Jisas, mon le, “Ke là se gbek me skó bè yehen me, dog myehen ne yó.”