Matyu 19:6 - Udél Dwata: Gna Kesfasad ne Lomi Kesfasad

⁶ Yó gónóm mon, là kô le bud stólóng ne yó kem tau syehen, deng le baling ssotu ne. Duhen yó, yóm deng kun sensotu Dwata, béen abay wen tau bud semkó kul.”

Matyu 19:6 Referans Kwoze

Mark 10:9

Duhen yó, yóm deng kun sensotu Dwata, béen abay wen tau bud semkó kul.”

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

Sulat Pol Ebè Yó Kem Tau Hemtahu Bè Rom 7:2

Hlingónu bè yóm libun deng myehen. Yóm hlau bè kesyehen mfét du bè yóm igoen tolo mowil yóm tuha logihen. Okóm ke deng matay yóm tuha logihen, laen dù bud kwalisen béléen ne yóm hlau bè kesyehen mfét du yó.

Ifisus 5:28

Ne yó kem logi, hol kenbong le nawa yó kem kul tuha libun, lómón se yóm kbong nawa le yóm kul knô. Yóm tau ke kenbong nawahen yóm kun tuha libun, hol lómón ke kun knô yóm kenbong nawahen.

Malakay 2:14

Sal gel mon ye, “Moen de ke là henmóyô Dwata du yó kem gel blay me du?” Yó gónón là hemmóyô du abay se bè yóm tehe kyehen ye bè yóm hanà klomi ye tau, tehe nô bè yó se Dwata fen temksì du yóm deng senfasad ye yóm libun yehen ye, yóm libun deng ndà ye nim kmoen ni, igoen lu yóm mò dumu ye sbalà, deng dumu ye sfasad.

Kem Udél Hlalak Tehe Selumun 2:17

Ni se yóm libun là teneben bè yehenen ne mom nuléhen yóm tehe kun fasad ke Dwata bè kyehenen.

Malakay 2:16

Yó udél yóm Dwata yó kem tau Israél, monen, “Tey kutó nawahu du yóm tau skó bè yehenen. Yóm kehdes logi nawa yóm yehenen, tey kutó nawahu du. Yó gónóm mon, hol ye eles temgama, tódô ye hteneb bè yóm hol kuy tahu yehen,” udél yóm Dwata laen dù là gbeken du.

Matyu 19:5

Yó mon Dwata, ‘Yó gónóm mon, gtagaken maen ne yéen yóm logi ne setnù le yóm tuha libunen, ne baling le ssotu yóm lewu le yó.’

Matyu 19:7

Bud snólók le béléen yó kem Farisi, mon le, “Ke lómón yó, moen se ke tehe snulat Musis yóm sotu hlau, yóm monen, ‘Ke móyô skó bè yehenen yóm logi, nan ne wen sulat gónón fema mò ilô yóm deng kkóhen du?’ ”