Matyu 19:5 - Udél Dwata: Gna Kesfasad ne Lomi Kesfasad

⁵ Yó mon Dwata, ‘Yó gónóm mon, gtagaken maen ne yéen yóm logi ne setnù le yóm tuha libunen, ne baling le ssotu yóm lewu le yó.’

Matyu 19:5 Referans Kwoze

1 Kurin 7:4

Abay se yóm libun deng myehen, là bud kun du funen ne yóm lówóhen, okóm yó mfun du, duhen yóm tuha logihen. Dalang se yóm logi, là bud kun du funen ne yóm lówóhen, okóm yó mfun du, duhen yóm tuha libunen.

1 Kurin 7:2

Okóm lemwót bè yóm tey klahilen bélê ye yóm mò samuk, yó se gónón hyu ke ket logi ne ket libun wen kul mdengen yehen.

Ifisus 5:31

Hol lómón yóm deng monen bè Sulat Dwata bè yóm tau syehen, yóm monen, “Yó gónóm mon, tódô tnagak yóm logi yóm maen ne yéen, ne setnù le yóm kun tuha libun ne tódô le baling ssotu yóm lewu le.”Yóm kessotu lówó le yó, laen kô dù tau gembek tmulón du yóm hol lanen, bede tngón tekuy yóm ktahuhen lemwót bè Sulat Dwata. Bè dou kehedem du, henléden yóm deng kbaling le ssotu bè Krays yó kem tau hemtahu béléen.

1 Kurin 6:16

Deng hónô tngón ye yóm logi, ke sentungóen yóm libun hdóyón, deng ssotu ne lówó le. Abay se deng monen bè Sulat Dwata, monen, “Ke deng sgefet lówó le yóm lewu le, deng le baling ssotu ne.”Okóm yóm tau ke deng hemtahu bè yóm gónó tekuy mogot, deng le baling ssotu ne yóm gónón mogot.

Kem Lingón 45:10

Ó Boi, ni hnungolem. Uu se ngaen libun yóm tau hol geta, hol henklinguhem nim ni. Klifótem ne yó kem fes lówó maem ne yóm kóm benwu.

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

Kem Lingón 63:8

Mogote béléem, Dwata, ne tey mbegel se yóm kogotem dou, yó gónón laen dù hemenu.

1 Samwél 18:1

Timbow deng kestulón le Dabid Sol, omin le ston Junatan, yóm ngà Sol logi ne tódô le kendel sfulung yóm lewu le ne tey tilob keswè le.

Dwata 10:20

Hol knikò ye yóm sana kuy Dwata hol gónó mogot ne olon du gónó ye e tmaba. Hol ye hteneb mimón du ne olon bè boluyen gónó ye gel hlan du ke wen fasad ye.

Dwata 4:4

Okóm kuy yu kem tau là monol nawahen ebè yóm sana kuy Dwata hol gónó mogot, tolo ye mowil yóm kmoen ni.

Tekang Kbuten 34:3

Okóm tey kbong nawa Sékém ke Dina yóm ngà Jakub libun yó. Tey kehlinggelen stulón du anì wen nawa Dina ebéléen se kun.

1 Bok Kem Tau Hol Geta 11:2

Tehe wen hlolò Dwata kul yó kem tauhen, hol bê le abay myehen bè yó kem libun lemwót bè tólóng benwu, abay se ke myehen le bè yó, nwit le lu tmaba ebè yóm kul dwata kéng. Okóm ke Selumun, mom duilen miwol yó kem libun lemwót bè tólóng benwu.

2 Samwél 1:26

Tey klangagu kóm, Junatan, hol lómón ke uu yóm dou dumu sulil-lem. Tey deng kbong nawahu kóm. Ne hol kbong nawa bong yóm deng kbong nawahem dou, mkay senta yóm kun kbong nawa libun.

Malakay 2:15

Dwata se deng tehe semsotu kuy yóm libun yehen ye. Yóm lówó ye ne lóyóf ye ke Dwata funen. Yó mu Dwata du yóm kesyehen ye anì wen kem ngà ye mò bud lemolò yó kem hloloen kuy. Yó gónóm mon, hol ye eles temgama, tódô ye hol hteneb bè yóm kuy tahu yehen lemwót bè klomi ye tau.

Matyu 19:6

Yó gónóm mon, là kô le bud stólóng ne yó kem tau syehen, deng le baling ssotu ne. Duhen yó, yóm deng kun sensotu Dwata, béen abay wen tau bud semkó kul.”

1 Samwél 25:43

Wen gna yehen Dabid boluyen Ahinuam, libun lemwót bè Jisriil ne sedwey le yóm lewu le.