Matyu 19:28 - Udél Dwata: Gna Kesfasad ne Lomi Kesfasad

²⁸ Mon Jisas se mò kul, “Tódô tulónu kuy ktahuhen, ke deng kól yóm lomi benwu, ne ke deng bangen myón bè yóm gónóhen myón kmamal yóm Ngà Tau, wen snéen gónó ye myón kmamal bè yó, yu kem sfolò lewu gel lemolò do ni. Angat ye fen mogot kukum bè yó kem sfolò lewu bung tau semfu gu bè yóm tehe Israél.

Matyu 19:28 Referans Kwoze

Matyu 25:31

“Kesok bud kól yóm Ngà Tau mò mogot klamangen,” mon Jisas, “tódô kdéen hógów Dwata gu bè longit gotu semguyun du, ne angat myón bè yóm gónón myón kmukum.

Deng Hegfan 20:4

Ominu yó bud mton yó kem bangkù gónó le myón yó kem tau benlay le glal kmukum. Bud tonu se lóyóf yó kem tau deng tehe hnatay le lan le tmulón yóm ktahuhen tehe tolok Jisas, ne lan le tmolok Udél Dwata. Ni kem tau ni, là kô hentahu le du yóm lóbô tanay sut. Dalang se yóm lennged hmoen, là kô hentahu le du. Ne là se henmóyô le du yóm kun ilô yóm lóbô, yóm gel nmò le lem uyó le duhen ke te henmù le. Ni kem tau tehe hnatay le ni, gotu le bud mowil, ne gotu le mung kmamal bè Krays bè yóm lemibu halay.

Deng Hegfan 7:4

Ominen yó tmulón du dou deng wen lematu bud fat folò fat libuhen yóm kwen le yó kem tau deng wen ilô nmò le lem uyó le, hono kem tau semfu gu bè yóm tehe sfolò lewu ngà Israél.

2 Pitér 3:13

Okóm tekuy, tódô nangat tekuy yóm deng fasad Dwata tekuy, duhen yóm lomi longit ne yóm lomi tonok, yóm benwu gónóhen nô yó kem tau tedeng kmoen.

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

Isaya 65:17

Yó udél Dwata, monen, “Wen lomi tonok nmou ne kem lomi longit. Ke deng ye kól du, là bud gtulón nawa ye du ne yóm gna klowil ye.

Deng Hegfan 21:5

Ominen mon du yóm myón bè yóm bangkù gónón myón kmamal, monen, “Ngem gotu hnomihu ne yóm kdéen.” Ne bud monen mò do, “Hol snulatem nim ni, abay se hono tahu, ne hono gsalig.”

Deng Hegfan 4:4

Uma kóm hilol yóm bangkù yó, wen lewu folò fat bangkù, hono tau tuha myón tahen. Hono le mnes bukay, sket wen kuruna blówón nô bè kulu le.

Deng Hegfan 3:21

Yó kem tau gel matù bè yó kem sidek gel sut, angat wen kwalis blayu kul anì gemyón le klohoku bè yóm gónóhu myón kmamal yóm klamangen. Yóm katù le yó, hol lómón se yóm deng dou katù, ne kyónu klohok Mà bè yóm gónóhen myón kmamal se kun.

2 Timuti 2:12

Ke hulung te hbala, angat te gomong mogot benwu béléen. Okóm ke hnalà te yóm ketngón te du, angat hnalaen tu se kun.

Kul Nmò 3:21

Okóm nan nô bè longit he efet deng hto yóm kdaw bud kehlomi Dwata kdê yó kem deng tehe nmoen. Yó se yóm tehe tulónen ekni hlanen bè yó kem tehe tugoden.

Matyu 20:21

Ne mon Jisas se mò du, “Moem de?” Monen se, “Wen tô hnihu béléem dé, Sér. Kesok deng kól du yóm kegetahem, kóyóu ke fasadem dou ke angat le myón klohokem ni kem lewu ngau ni, sotu fi bè kwananem ne sotu se fi bè iwóngem.”

Deng Hegfan 22:2

hlós mlel ebè gónón sóól yóm lan bè yóm syudad yó. Tódô sbalà tmowok bè kililen se yóm koyu boluyen koyu hlowil tau. Sfolò lewu duléken mungu bè yóm sfalay yóm koyu yó, tódô keten bulón. Ne yó kem dounen mò bulung bè yó kem tau bè klamangen benwu.

Isra 6:17

Bè yóm kehfun le du ebè Dwata yóm Gónóen, tey kedsù le. Yó kwen safì tudu dsù le, botong lematu ne lewu latu se ubiha logihen ne fat latu ngà ubihahen. Ne sfolò lewu kambing logi dsù le mò hkó salà, ket sotu kambing bè ket ból ngà Israél.

1 Bok Kem Tau Hol Geta 18:31

Wen sfolò lewu botu nwahen, hningónen yó kem sfolò lewu ngà Jakub logi yóm tau tehe gónó Dwata e mudél, monen mò du, “Israél bud boluyem.”

Juswa 3:12

Duhen ni méléki sfolò lewu tau, ket sotu bè ket ból yó kem tau Israél.

Kehewà 24:4

Gotu snulat Musis yó kem kdê hlau Dwata. Hol hlafus hayahen bè yó, wen botu sensodoen mò gónó le demsù ebè Dwata bè yó bè but yóm bulul. Bud wen sfolò lewu botu tmahà hdaen hilolen, ket sotu botu bè ket ból yóm sfolò lewu kem ngà logi yóm tehe Israél.

Kehewà 15:27

Ngang le mógów yó kem tau Israél efet le kól bè Ilim. Bè yóm benwu yó, wen sfolò lewu sfut él nô du ne hitu folò but lefò mdà bè yó snéen. Ne bè yó gónó le na bud kmamfù moni bè yóm él yó.

Deng Hegfan 12:1

Ne tódô tonu yóm tey hentaw ton te kmawang. Wen libun tonu. Yó nes leseken, mata kdaw, ne bulón nô laan hólól tihen. Ne wen sfolò lewu blotik kurunahen.

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Matyu 8:20

Mom yó balà Jisas du, monen, “Wen lefunges kul gel nulék yó kem bolos, ne mdengen kul sala yó kem onuk koyu, okóm yóm Ngà Tau, laen dù mdengen gónóhen hegnô.”

Matyu 19:27

Omin Pitér mudél se kun, monen, “Ngem ni dém mi, Sér, glok me tódô gemtagak yóm kdéen lan me lemolò kóm. Bang tô ofol me se kum du?”

Mark 10:37

Mon le se, “Ke hyu béléem, Sér, bè yóm angat kegetahem bè yóm kogotem benwu, kóyô me ke sotu bélê me myón bè kwananem ne sotu se myón fi bè iwóngem.”

Deng Hegfan 11:16

Omin le lemwót yó kem lewu folò fat tau tuha myón bè solu Dwata, gotu le lemfen bè soluhen, dóyón le Dwata, mon le,

Deng Hegfan 22:5

Laen kô dù kifuhen yóm benwu yó, ne laen se kô dù bud muhen ne yó kem nóng solok duhen ke nóng kdaw, abay se yóm Dwata gónó le mogot seflós mò layag le. Ne angat wen hogot Dwata kul, ne laen kô dù sónen yóm kogot le du.

2 Tutul Israél 9:19

Ne bud wen sfolò lewu lennged liyun hmò Selumun, ket sotu mdà sfatà kilil yóm gónó mdà bè yóm aut slikan yó. Yóm bangkù gónón myón kmamal yó, laen kô dù gemsenged du bè klamangen benwu.