Matyu 19:21 - Udél Dwata: Gna Kesfasad ne Lomi Kesfasad

²¹ Bud bnalà Jisas se, monen, “Ke móyói hol gulit, tu ne muléki nam e hbalù kdê nô béléem, ne blayem bè tu kem élél yóm blihen. Ke yó nmoem, angat wen tey kendengenem bè longit. Ne lemwót yó dum kóm, loloem ou.”

Matyu 19:21 Referans Kwoze

Mark 10:21

Yóm ketngel Jisas ebéléen mom gkoduhen, monen mò du, “Sotu he duen tolo gónóhem là deng sikof. Tu ne muléki, nam e hbalù yóm kdê nô béléem, ne blayem bè tu kem tau élél yóm blihen, ne angat wen tey kendengenem bè longit. Lemwót yó dum kóm, loloem o.”

Kun Snulat Luk 18:22

Timbow gungol Jisas nim monen ni, monen mò du, “Sotu he duen tolo gónóhem là deng sikof. Hbaluem yóm kdê nô béléem, ne blayem bè tu kem tau élél yóm blihen. Ke yó nmoem, angat wen tey kendengenem bè longit. Lemwót yó dum kóm, loloem o.”

Kun Snulat Luk 12:33

Hebli ye yó kem kimu ye, ne blay ye bè yó kem tau élél yóm blihen. Ke yó nmò ye, lómón ke deng wen filak henyu ye bè longit bè yóm gónó hemyu filak là buden sidek. Ke wen ten-ginof ye bè longit, là kô wen fen mtón du ne laen se dù mnagaw du ne laen se dù kaba hemsidek du.

Kun Snulat Luk 14:33

Lómón sem ni néen yóm klolò ye do,” mon Jisas. “Yóm tau ke là dog tebelen du yó kem gónón gfét nawahen, kéngen yóm kloloen do.”

Kul Nmò 2:45

Gel hbalù le yóm tonok le duhen ke kimu le. Lemwót yó kem blihen, sensólól le bè yó kem tau wen mu le du.

Kun Snulat Jan 12:26

Yóm tau móyô mimón do,” mon Jisas, “là kô gbeken du ke là loloen do. Balù kihu gónóhu nô, yó se bud kun gónó nô. Angat tey kadat Mà du yóm tau ke nimónen o.”

Kun Snulat Luk 9:23

Ne yó bud mon Jisas ebè yóm kdê le, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros ket haya, ominen yó lemolò do.Yóm tau, ke knamaen klowilen, angat lana béléen yóm klowilen yó. Okóm yóm tau ke là knamaen du yóm klowilen lanen lemolò do, angat gutahen yóm klowil laen dù sónen.

Kun Snulat Jan 10:27

Ke yu yóm dou ubiha, kaem hnungol ye udélu. Gotu tngónu lu ne gotu lolò le ou.

Matyu 5:48

Yó gónóm mon, hol ye hgulit, lómón kgulit yóm Mà tekuy bè longit.”

Kun Snulat Luk 16:9

Tódô tulónu kuy,” mon Jisas, “Hol gel benlay ye yó kem tau élél yó kem kendengen ye te tonok. Abay se ke deng gotu blay ye, angat tey khódó Dwata kuy ditu bè yóm gónó ye angat nô laen kô dù tul sónen.

Matyu 19:28

Mon Jisas se mò kul, “Tódô tulónu kuy ktahuhen, ke deng kól yóm lomi benwu, ne ke deng bangen myón bè yóm gónóhen myón kmamal yóm Ngà Tau, wen snéen gónó ye myón kmamal bè yó, yu kem sfolò lewu gel lemolò do ni. Angat ye fen mogot kukum bè yó kem sfolò lewu bung tau semfu gu bè yóm tehe Israél.

Matyu 16:24

Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

Kun Snulat Luk 6:40

Yóm tau ke hanà tolo dmalang, là kóen geta senta yóm tau tmolok du. Okóm yóm tau ke deng megtolok, angat guliten yóm tau tmolok du.”

Kun Snulat Luk 5:27

Kogolen bè yó, bud lemwót Jisas. Bè yóm kógówen, tódô tonen yóm sotu tau fen gel mtuk bwis boluyen Libay, myón bè fsinaen. Bè yóm kton Jisas du, tódô monen mò du, “Ó Wè Libay, loloem o.”

Mark 8:34

Omin Jisas sembung yó kem tey tau wen bè yó, dalang se yó kem gel lemolò du, ne monen mò kul, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ominen yó lemolò do.

Matyu 9:9

Bud kewót Jisas bè yó, tódô tonen yóm sotu tau fen gel mtuk bwis boluyen Matyu, myón bè fsinaen. Bè yóm kton Jisas du, tódô monen mò du, “Ó Wè, loloem o.” Ne tahu se, mung kdà Matyu bè yó, loloen Jisas.

Hibru 10:34

Ne gel ye gbót glayam bè yóm kegkukub yó kem dumu ye hemtahu. Balù yó kem tau mled kimu ye, là kóen sidek kehedem ye ebélê le, mom wen he yóm kuy kehligal, abay se deng tngón ye wen yóm tey kuy kimu alì hyu laen dù sónen ditu bè longit.

Mark 2:14

Tikóng bud hlós bè yó, tonen yóm sotu tau fen gel mtuk bwis boluyen Libay, ngà Alfiyus, myón bè fsinaen. Bè yóm kton Jisas du, tódô monen mò du, “Ó Wè Libay, loloem ou.” Ne tahu se, tódô lemwót Libay, loloen Jisas.

Matyu 8:22

Mon Jisas se mò du, “Tódô hebengem tu he kem kun dumu là hemtahu yóm maem. Okóm fen, loloem ou kóm.”

Matyu 4:19

Tódô mon Jisas mò kul, “Ó kem tau hmuket, mung ye do ne. Wen tles hmou kuy, hebelu yu tau mò lemolò do.”

Kem Lingón 37:37

Okóm hol hennagiem yóm tau hyu kmoen, yóm tau tedeng kmoen, yóm tau menek kehedemen. Tey wen semfu gu béléen.

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

Matyu 19:20

Bud mudél se yóm lomi tau yó, monen, “Deng gotu lolou yó kem yó, Sér. Tedu de duen?”

Matyu 19:22

Timbow gungol nim lomi lemnok ni koni yóm udél Jisas ebéléen yó, tódô lemwót, ya tey sidek keblat nawahen, abay se nalihen yóm tey kendengenen.