Matyu 19:20 - Udél Dwata: Gna Kesfasad ne Lomi Kesfasad

²⁰ Bud mudél se yóm lomi tau yó, monen, “Deng gotu lolou yó kem yó, Sér. Tedu de duen?”

Matyu 19:20 Referans Kwoze

Glasya 3:24

Sotuhen, hol lómón ke tau munung ngà yóm hlau yó. Yó se hlun gónó tekuy galak efet kól bè yóm kdaw ksut Krays te tonok. Timbow kól, du ne tles gónó tekuy galak. Lemwót bè kehtahu tekuy béléen, yó se gónón tedeng kton Dwata tekuy.

Flipay 3:6

Lemwót bè yóm alì kkinì nawahu lemolò du, botong gotu genlau yó kem tau hemtahu bè Jisas. Ke yó gónón baling tedeng yóm tau lanen lemolò du yó kem hlau, kaem laen dù gónó le gemsanil dou.

Sulat Pol Ebè Yó Kem Tau Hemtahu Bè Rom 7:9

Gu laanu là deng temngón du yóm hlau, ofo do mon du ke là gemsalae. Okóm timbow tngónu yóm hlau, yó he kdilóu du yóm kegsalau, ne tódô tngónu denge megtuled lem hatay.

Kun Snulat Jan 8:7

Tódô henlel le se smólók ke Jisas yó kem tau mit klamo ebéléen yó koni. Omin Jisas bud hemtedeng du kyónen, monen mò kul, “Ke wen bélê ye laen dù salaen, yake du dé tanay tmudà du botu nim libun ni.”

Kun Snulat Luk 15:29

Mom yó monen mò ke maen, monen, ‘Tenngelem dé, Mà, tey deng kegenu tendo mò nmò béléem, lómón tóe tau hesek. Ne balù sulék ke deng sen-gilu uu. Ewenem yó, balù yóm ngà kambing, là kô deng nam e htétê du do mò gónóhu mit kem dumuhu hligal.

Kun Snulat Luk 15:7

Tódô tulónu kuy,” mon Jisas, “hol lómón yó se yóm kehligal le bè longit ke ton le kehegsel yóm sotu tau gemsalà. Bong kligal le béléen senta yó kem syóm folò syóm tau là tabag le, deng tedeng kmò le.”

Matyu 19:19

Nadatem maem ne yéem. Kenbong nawahem kem dumuhem lómón kbong nawahem yóm kóm knô.”

Matyu 19:21

Bud bnalà Jisas se, monen, “Ke móyói hol gulit, tu ne muléki nam e hbalù kdê nô béléem, ne blayem bè tu kem élél yóm blihen. Ke yó nmoem, angat wen tey kendengenem bè longit. Ne lemwót yó dum kóm, loloem ou.”