Matyu 19:15 - Udél Dwata: Gna Kesfasad ne Lomi Kesfasad

¹⁵ Omin Jisas gotu mnok kul ne mni bélê le bè Dwata, ominen hlós ebè yóm gónón e solu.

Matyu 19:15 Referans Kwoze

2 Timuti 3:15

Hentulónem nawa yóm deng dnalangem bè Sulat Dwata lemwót bè yóm hanà kudiem. Yó se gónóm temngón du yóm kehewà Krays Jisas kóm gu lem hatay mlan bè yóm kehtahuhem béléen.

1 Kurin 7:14

Anien he ke là hemtahuhen yóm tuha logihen, tódô gomong henmóyô Dwata lemwót bè yóm deng kessotu le yóm tuha libunen. Senged snéen ke là hemtahuhen yóm tuha libunen, kaem tódô gomong henmóyô Dwata se kun lemwót bè yóm deng kessotu le yóm tuha logihen. Ke là tahuhen nim ni, là kóen hyu bè Dwata yó kem ngà le, okóm ni, gomong henmóyô Dwata lu se kul.

Mark 10:16

Omin Jisas smiwi yó kem ngà, ket kul na sotu, ne nenoken lu, ne mni bélê le bè Dwata.

Isaya 40:11

Tey hyu yóm angat kesegyoken kul, lómón yóm tau hyu kesegyoken yó kem ubihahen. Gel sentifunen yó kem ngà ubihahen ne gel sniwihen lu. Ne hen-ganagen malak yó kem yê le.

Matyu 19:14

Okóm mon Jisas, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.”

Matyu 19:16

Sotu kdaw bè yó, wen sotu tau mógów ebè Jisas, monen, “Ó Sér, wen snólóku béléem. Tedu de yóm hyu mò nmou anì gutahu yóm klowil laen dù sónen?”