Matyu 19:14 - Udél Dwata: Gna Kesfasad ne Lomi Kesfasad

¹⁴ Okóm mon Jisas, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.”

Matyu 19:14 Referans Kwoze

Matyu 18:3

monen, “Ngem nim ngà nii, là kô ktesen du yóm kegetahen. Tódô tulónu kuy ktahuhen,” mon Jisas, “ke là tenles ye du yóm kuy kehedem lómón yóm kun kehedem nim ngà ni, là kô ye na a gmung bè kogot Dwata tau.

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

Mark 10:14

Timbow ton Jisas nim nmò le ni, botong lenbuten lu, monen mò kul, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

1 Samwél 1:11

Wen fasad mget nmoen bè Dwata, monen, “Ó Dwata yóm Dwata laen dù là gbeken du, hol tenngelem o yóm sotu tóbóng lówóhem. Hol tenngelem yóm gónón sidek kegnómu du. Ke hentulónem o nawa ne ke bnalaem yóm hnihu ne ke hngaem o logi, wen fasadu kóm. Bud blayu kóm yóm ngà yó bè yóm klawihen mowil ne là kô gel kenleng du weken mò ilô yóm deng kehetfing du ebéléem.”

Kmukum 13:7

Okóm yó tulónen do, angate tódô mlutut ne mngae logi. Ne yó bud udélen ebéléu, monen mò do, ‘Béem abay minum yóm tifas grép ne yó kem dumu ninum lemengel, ne béem abay ken yó kem là hken Dwata du kóm abay se yóm ngà sut yó, angat hetfing ye ebè Dwata mò tau Nasarit lemwót bè yóm kdaw ksuten efet kól bè yóm kdaw katayen.’ ”

1 Samwél 2:18

Okóm ke Samwél kun, tolo ngà he bede du se tóbóng lówó Dwata. Leseken yóm nes ifod gel lesek yóm tau blóng ebè Dwata.Yóm nes tahà gel leseken, tódô ket halay yéen mò du béléen ne nwiten ebéléen bè yóm gel kmungen ke yehenen demsù ebè Dwata.

1 Samwél 1:24

Timbow skó tmutù yóm ngà, omin Hana mit du ebè Gónô Dwata bè Silu, homong nwit le yóm ngà safì hanà tlu halayen mò dsù le ne sotu bluyut arina ne wen tifas grépen.

Tekang Kbuten 21:4

Tikóng deng wolu buteng Isak sut, omin Abraham tmulì du, hol lómón yóm deng hlolò Dwata du.

1 Samwél 1:22

Là dogen mung kun ke Hana. Yó monen mò ke tuha logihen, “Nahu nangat keskóhen tmutù he nim ngà ni, ominu mit du etu bè Gónô Dwata anì tebelu ditu ne tódô hlós nô bè yó bè yóm klawihen mowil.”

Matyu 5:3

“Tey kehyuhen bélê le kul yó kem tau ke dilô le yóm kwen gónó le élél bè kehtahu le, abay se deng le sana gmung ne bè yó kem tau nogot Dwata.

Matyu 5:10

Tey kehyuhen bélê le kul yó kem tau ke hensidek le lu lemwót bè yóm kimón le ke Dwata, abay se deng le gmung ne bè yó kem tau nogot Dwata.

Matyu 19:15

Omin Jisas gotu mnok kul ne mni bélê le bè Dwata, ominen hlós ebè yóm gónón e solu.

Mark 10:15

Tódô tulónu kuy ktahuhen,” mon Jisas, “yóm tau ke là gtud nawahen ke Dwata lómón se yóm kul kegtud nawa yó kem ngà, là kóen na a gmung bè yóm kogot Dwata tau.”