Matyu 19:11 - Udél Dwata: Gna Kesfasad ne Lomi Kesfasad

¹¹ Bnalà Jisas se lu, monen, “Là kdéen du tau gembek du yóm là myehen. Són gónón gembek du ke tódô Dwata mò du.

Matyu 19:11 Referans Kwoze

1 Kurin 7:17

Yóm ket sotu bélê tekuy, tódô henek bè yóm tehe sana kun kmò klowil snolu bè yóm tehe ktaba Dwata tekuy mò ngaen, yóm klowil tehe sigangen ta tekuy yóm gónó tekuy mogot. Nim monu ni, gel hlolou yó kem tau hemtahu bè ket benwu gónóhu gel tmolok snéen.

1 Kurin 7:35

Là kô yó gónóhu mon du nim ni ke udélu hemseng kuy bè kyehen ye. Yó dé gónóhu mon du, kóyóu ke wen gónóhu gemtóbóng kuy. Yó nóyóu bélê ye ke laen dù gónó ye geskét bè klolò ye yóm gónó tekuy mogot anì mekteng kmò ye du yóm hmoen kuy.

1 Kurin 7:2

Okóm lemwót bè yóm tey klahilen bélê ye yóm mò samuk, yó se gónón hyu ke ket logi ne ket libun wen kul mdengen yehen.

Matyu 13:11

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben bélê ye.

Matyu 19:10

Mudél le se kul yó kem gel lemolò ke Jisas, mon le, “Ke là se gbek me skó bè yehen me, dog myehen ne yó.”

Matyu 19:12

Sal stólóng se yóm but gónó le là myehen kem tau. Wen se là myehenen, abay se wen iget le lemwót bè ksut le. Wen se là myehenen lan le kmafun kul. Wen se là myehenen lemwót bè kimón le yóm hmò Dwata kul. Yó se tau gembek lemolò du ni kem monu ni, hol loloen.”