Matyu 18:8 - Udél Dwata: Gna Kesfasad ne Lomi Kesfasad

⁸ Yó gónóm mon, ke doli sigelem duhen ke doli tihem mit kóm là hemtahu, hyu ke tódô kenlengem, ne botem. Mom hyu béléem he ke lana béléem doli tihem duhen ke doli sigelem syan ke gutahem yóm klowil laen dù sónen. Laen kô ofolem du yóm klewu tihem ne klewu sigelem ke deng mom niten uu elem lanaw ofi, yóm ofi laen kô dù tul katayen.

Matyu 18:8 Referans Kwoze

Sulat Pol Ebè Yó Kem Tau Hemtahu Bè Rom 13:12

Ke hlingónu du, hol lómón ke móyónen mwas ne. Yó gónóm mon, hol kó tekuy ne yó kem sidek gel nmò tau lem gónón kmifu, tles nmò tekuy yóm hyu. Yóm hyu, hol lómón ke ngom sfatay eles nwit tekuy lem gónón lemayag.

Deng Hegfan 20:15

Yóm tau ke là nóen bè yóm bok lowil yóm kun boluy, tódô tudà le elem lanaw ofi.

Deng Hegfan 14:10

angat tey kebut Dwata kul, hol lómón ke wen ninum alì lóbô laen dù bolen hinumen kul. Bè yóm angat ktafaken kul, sónmò le heslaf ditu lem lanaw ofi wen kbudahen tendo dmilóf. Yóm keheslaf le yó, hyu bud ton yó kem hógów Dwata gu bè longit ne yóm Ngà Ubiha.

Isikél 18:31

Tenflok ye ne yóm là gel kimón ye do, hnomi ye kehedem ye ne knawa ye. Moen de ke móyô ye kendel matay, kem tau Israél?

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Kun Snulat Luk 14:33

Lómón sem ni néen yóm klolò ye do,” mon Jisas. “Yóm tau ke là dog tebelen du yó kem gónón gfét nawahen, kéngen yóm kloloen do.”

Matyu 25:46

Duhen yó,” mon Jisas, “tódô le gotu hlós elem yóm tafak Dwata laen dù sónen. Okóm yó kem tau tedeng kmò le, guta le yóm klowil laen dù sónen.”

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

Isaya 33:14

Yó kem tau gel mò sidek bè Sayun, tey sidek kesetbol kkel le lemwót bè yóm tey alì klikò le. Yó udél le, “Yóm kkukum Dwata tekuy hol lómón ke dilóf ofi laen dù tul katayen. Laen kô dù bélê tekuy bud mowil du yóm ofi lómónen yó.”

Kun Snulat Luk 16:24

Ne tmaba ebè Abraham yóm tau tehe wen kendengenen yó, monen, ‘Ó Fù Abraham, hol knoduhem ou. Dókem do edini Lasarus anì nan e hentdak dou él lem baku, bà mon se tey keglayamu bè nim ofi gónóhu nô ni.’

Isaya 30:22

Tódô angat gotu bot ye yó kem dwata lennged tehe nmò ye gu bè blówón bukay ne bè tahu blówón. Hol lómón kbot ye fól kmò ye kul. Yó udél ye, “Laen dù bud mu me kuy.”

Matyu 17:27

Okóm là hyuhen ke hebut tekuy lu ni kem tau mtuk ni. Yake lemwóti dé ebè lanaw na a dmulé. Nwahem yóm utón él tanay semkot ne yóm filak mgel tonem lem baken, yó se mò kut bayad lewu te.”