Matyu 18:7 - Udél Dwata: Gna Kesfasad ne Lomi Kesfasad

⁷ Tey kodu le yó kem tau talak tonok, abay se tey dê mit kul là hemtahu. Sal gel sut bè tau se yóm yó, okóm angat tey tafaken yóm tau mò du.

Matyu 18:7 Referans Kwoze

Kun Snulat Luk 17:1

Yó bud mon Jisas ebè yó kem gel lemolò du, monen, “Laen kô gembek semya du se ke bangen sut bè tau yóm gónóhen btang elem salà. Okóm nawaw tey tafaken yóm tau hebtangen kem dumuhen.

1 Kurin 11:19

Déke wen muhen yóm kesgólól nawa ye yó mò gónón gfan ke mahil du bélê ye yóm hol tahu gulit lemolò du yóm ktahuhen.

Matyu 26:24

Yóm Ngà Tau nan na matay he,” mon Jisas, “lómón yóm deng tehe eles tulónen bè Sulat Dwata. Bede tey angat kegtafaken yóm tau bemlay sumóng. Mom tumù ne ke béen dog tehe tau.”

Sulat Jud 1:4

Yó gónóhu mon du nim ni, abay se deng wen ne kem tau hegbool lem blóng tekuy, kem tau laen dù klikò le ke Dwata, ne là dengen gdilô bélê ye yóm kesekban le. Deng tô tenles le yóm tahu tolok gbak ebè yóm któbóng Dwata tau. Yó tolok le, là sideken kun ke mò tekuy samuk, abay se gbek Dwata hmifót du. Ne sotuhen, kenbê le Jisas Krays ke du yóm gónó tekuy mogot. Deng tehe eles hsulat Dwata ekni yóm ktafaken kul.

Taytus 2:8

Yake hono tahu yóm gel tolokem kul anì laen dù gónó le gemsanil du yóm gel tulónem. Ke ni se nmoem, mulék le myak yó kem hmohon kut lemwót bè yóm klaen dù bang udél le eta te.

Taytus 2:5

Bud dnalang le bélê le se yóm khulung mafas nawa, ne yóm klaen dù belenen yóm gel nmò le, ne yóm khulung hgifat gu lem gónó le, ne yóm khulung le heglaan bè kem tuha logi le. Ke ni se gel nmò yó kem libun, laen kô bang gónó le gemsanil du yóm tulón lemwót bè Dwata yó kem dumu tau hmilol kul.

1 Timuti 6:1

Yó kem tau klifen, yake hol nadat le yó kem tau mfun kul anì laen dù tau hemnê ke Dwata, ne là hennê le du snéen yóm ktolok te.

Kul Nmò 1:16

Mdà Pitér lem blóng le, ne monen mò kul, “Ó kem dumuhu setwoli, wen udél tehe eles htugod Dwata ke Dabid ekni, hlanen bè yóm Tulusen. Yóm udél Dwata yó, deng dohò eta Judas ne, yóm tau fen malak yó kem tau kemfô ke Jisas.

Kun Snulat Jan 17:12

Yóm klawihu nô lem blóng le, tey tendo keklungu kul lemwót bè yóm kóm boluy alì mfasang, yóm boluy tehe blayem do. Deng gel nofinu lu, ne laen kô dù lana bélê le, tek sotu hebkas bélê le, són yóm tau deng tehe eles golu elem tafak. Yó se deng gónón dohò yóm tehe hsulatem ekni.

Mark 13:7

Sok wen gungol ye tau sgida moni bélê ye, duhen ke sentulón le gida bè dumu benwu snéen, bê ye abay hlikò. Angat gotu dohò ni kem ni, okóm là yó du he yóm hol són kdaw.

2 Samwél 12:14

Okóm lemwót bè yóm là kimónem ke Dwata, angat matay yóm ngaem.”

1 Samwél 2:17

Ni se yóm salà yó kem ngà Ili logi alì sidek bè solu Dwata abay se là kô dog nadat le du yóm dsù le ebè Dwata.

Tekang Kbuten 13:7

Yó se gónó le gel sfatay yó kem tau mentey ógóf Abram ne yó kem tau mentey ógóf Lat. Bè yóm kdaw yó, tolo le menwu bè yó he yó kem tau Kanan ne yó kem tau Pirisayt.

Matyu 16:23

Beklil se Jisas ebè Pitér, monen, “Hlayuki béléu, Seitan. Béem tô henseng yóm nógówu. Là kóen lemwót bè Dwata yóm kehedemem yó, kaem kehedem tau te tonok.”