Matyu 18:6 - Udél Dwata: Gna Kesfasad ne Lomi Kesfasad

⁶ Bud mudél Jisas, monen, “Ke yó nmò yóm sotu tau, ke lemwót béléen gónóhen là bud hemtahu béléu yóm sotu ngà, mom hyu bè yóm tau yó he ke tódô bot elem mohin gu laanen là deng wen ngà hebtangen, tléwéng bè liholen yóm botu bong gónó le gel gmaling mò heblaten etlaan.

Matyu 18:6 Referans Kwoze

Mark 9:42

Bud mon Jisas mò kul, “Ke yó nmò yóm sotu tau, ke lemwót béléen gónóhen là bud hemtahu béléu yóm sotu ngà, mom hyu béléen he yóm tau yó ke tódô bot le elem mohin gu laanen là deng wen ngà hebtangen, tléwéng bè liholen yóm botu bong gónó le gmaling mò heblaten etlaan.

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

Matyu 18:14

Senged se knawa yóm Mà tekuy bè longit. Là kóen móyô ke sotu bè yó kem ngà lómón ni ke tô lana bè soluhen.”

Kem Lingón 105:15

“Hol bê ye abay hensidek lu yó kem dou tau nélék. Ne yó kem tugodu elem blóng le, bê ye abay hensidek lu.”

Sulat Pol Ebè Yó Kem Tau Hemtahu Bè Rom 14:21

Hol bê tekuy abay nmò gónó le btang kem dumu tekuy mlan bè kutón tekuy, bè kinum tekuy, duhen ke wen nmò tekuy mit kul btang.

Sikaraya 2:8

Yó bud udél yóm hógów Dwata, monen, “Angat megdóyón bélê ye yóm Dwata laen dù là gbeken du, lemwót bè yóm khógówen do ebè tu kem benwu deng tehe megef kimu ye mò tmafak kul, abay se yóm tau deng hemsidek kuy, hol lómón ke deng hensideken yóm hol mebtes bè Dwata.

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Kul Nmò 9:5

Mon Sol se, “Tmau kóm de, Sér?” Monen se, “Ou se Jisas, yóm tendo hnayamem.

Matyu 17:27

Okóm là hyuhen ke hebut tekuy lu ni kem tau mtuk ni. Yake lemwóti dé ebè lanaw na a dmulé. Nwahem yóm utón él tanay semkot ne yóm filak mgel tonem lem baken, yó se mò kut bayad lewu te.”

Matyu 18:5

Ne ke wen tau hmódó yóm sotu ngà lómón yóm ngà nii mlan bè dou boluy, lómón se ke o ne yóm hnódóhen.”