Matyu 18:3 - Udél Dwata: Gna Kesfasad ne Lomi Kesfasad

³ monen, “Ngem nim ngà nii, là kô ktesen du yóm kegetahen. Tódô tulónu kuy ktahuhen,” mon Jisas, “ke là tenles ye du yóm kuy kehedem lómón yóm kun kehedem nim ngà ni, là kô ye na a gmung bè kogot Dwata tau.

Matyu 18:3 Referans Kwoze

1 Pitér 2:2

Hkél ye bè yóm ngà lomi sut, són nô bè nawahen tmutù ne yó gónón baling lemnok. Yake són Udél Dwata nô bè nawa ye se kuy mò henged kuy tutù anì lemnok kehtahu ye.

Matyu 19:14

Okóm mon Jisas, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.”

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

Kem Lingón 131:2

Deng tódô gsengel nawahu ne dou, ne tey menek kegnómu du. Lómón yóm ngà deng henek hlilil te sigel yéen, hol lómón yó se yóm dou kenek nawa.

Kun Snulat Jan 3:5

Bud bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata ke là nan na mlan bè él ne bè yóm Tulus Dwata.

Kun Snulat Jan 3:3

Bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata yóm tau ke là nan ne bud hlomi sut.”

Kun Snulat Luk 13:24

“Yóm lan ebè yóm klowil laen dù sónen, hol lómón ke bak dól sikeb. Hotu ye són gel ye husek edu, abay se angat tey dê tau móyô husek elemen hulin kdaw, okóm là kô le gusek elemen.

Kul Nmò 3:19

Duhen yó,” mon Pitér, “hegsel ye ne bè yóm sidek deng gel nmò ye. Semfulék ye ebè Dwata dé anì hnifóten yó kem salà ye. Ke ni se nmò ye,

Kul Nmò 28:27

Abay se ni kem tau ni, là móyô le dmalang. Deng mom nseng le klingu le. Deng le mom hidong. Ke bê le nmò yóm yó, dilô le yóm gel ton le, ne glileb le lanen yóm gel gungol le, ngangen ne efet le semfulék ebéléu, mon Dwata, ne gotu le baling bud hyu.’ ”

Kun Snulat Jan 1:51

Tódô tulónu kuy ktahuhen,” mon Jisas, “angat ton ye hnas longit, ne yó kem hógów Dwata gu bè longit htuntun ebè yóm Ngà Tau, lel le bud haway eta.”

Matyu 5:20

Tódô tulónu kuy,” mon Jisas, “song ye gmung bè yó kem tau nogot Dwata bè longit ke hol ye hgulit lemolò du yóm kun kóyô Dwata senta yóm kul kgulit yó kem tau tmolok hlau ne yó kem Farisi.”

Kun Snulat Luk 22:32

Okóm deng eles utómu u, Simun, bè yóm knihu bè Dwata anì là lanahen yóm kehtahuhem. Sok deng bud mulék nawahem ebéléu, hol ten-gelem lu yó kem dumuhem deng hemtahu.”

Mark 4:12

‘Anien he ke gel ton le, là kô dilô le du. Baluen he ke gel gungol le, là kô glileb le du. Ke yó dum glileb le, kaem semfulék le ebè Dwata, ne hnifóten bélê le yó kem salà le.’”

2 Pitér 1:11

Ne angat tey khódóhen tekuy bè yóm kun benwu nogot yóm gónó tekuy mogot Jisas Krays, yóm tehe lemwà tekuy gu lem hatay. Ne yóm benwu nogoten yó, benwu laen dù tul sónen.

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

Matyu 19:23

Omin Jisas mudél ebè yó kem gel lemolò du, monen, “Tódô tulónu kuy ktahuhen, tey mgel bè yóm tau wen kendengenen ke tô hogoten ke Dwata klowilen.

Matyu 13:15

Abay se là móyô le dmalang ni kem tau ni, deng mom nseng le klingu le, deng le mom hidong. Ke bê le nmò yó dum yó, dilô le yóm gel ton le ne glileb le lanen yóm gel gungol le. Ngangen ne efet le mimón béléu,’ mon Dwata, ‘ne gotu hnifótu yó kem salà le.’

Matyu 6:16

“Bè yóm gel kfasting ye,” mon Jisas, “bê ye dnalang yóm kul kmò yó kem tau hemtedeng knô. Là kô le hgifat anì dilô tau bélê le yóm kfasting le. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Matyu 6:5

Ke mni ye bè Dwata,” mon Jisas, “bê ye dnalang kul kmò yó kem tau hemtedeng knô. Tey le móyô mdà mni bè Dwata lem gónó le gel stifun ne gu bè kilil lan bè gónón wen anì ton tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Isaya 6:10

Omin Dwata bud mon du mò do, “Yó kem tau alì mgel kulu le yó, henbalingem lu tau là hulungen hedem. Hol hbokongem lu, hol hbutóem lu anì là getnef le du lanen yóm ton le ne yóm gungol le. Abay se ke getnef le, déke beklil le ebéléu na le e hkó béléu salà le.”

Matyu 6:2

Duhen yó, ke wen blay ye bè yóm tau élél, bê ye abay hegfan lómón yóm kul gel nmò yó kem tau hemtedeng knô. Tey gel kehegfan le du bè gónó le gel stifun ne gu bè lan bè gónón wen. Yó gónó le gel mò du anì dóyón tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Matyu 5:18

Tódô tulónu kuy ktahuhen, bè yóm igoen tolo wen longit ne tonok, laen se kô mkó du yó kem tehe hlau Musis, balù sotu bè yó kem leneken, efet deng gotu dohò yó kem kdê tulónen.

Matyu 18:2

Bè yóm kbalà Jisas kul, wen ngà tnabahen ebéléen, hdaen lem blóng le,

Matyu 18:4

Duhen yó, yóm tau là hegetahen knóen bè kem dumuhen lómón yóm kun nmò nim ngà nii, du se yóm hol geta bè yó kem tau nogot Dwata.