Matyu 18:27 - Udél Dwata: Gna Kesfasad ne Lomi Kesfasad

²⁷ Tahu se, tódô bud mulék koduhen du yóm tau hol geta yóm tau yó koni. Tódô hnifóten béléen yóm utóngen yó koni, ne tódô hewaen snéen.

Matyu 18:27 Referans Kwoze

Kem Lingón 145:8

Yóm Dwata gónó tekuy mogot, tey kbong nawahen tau, ne tey knoduhen lu. Là kóen mahil lembut, ne là kóen monol yóm kbong nawahen tau.

Husiya 11:8

Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.

Kem Lingón 86:15

Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.

Nihimaya 9:17

Là móyô le hmungol, gotu klifót le yó kem dê hentaw ton deng tehe nmoem lem blóng le. Deng kenbê le uu, deng le mom mélék tau mò malak kul mulék ghesek bè Idyip. Okóm uu se yóm Dwata hulung hmifót, tey minggel nawam ne tey bong nawam yó kem tauhem, là kói mahil lembut. Tey kkoduhem kul yó kem tauhem, là kô nam e tódô bayà kul.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.

Matyu 18:28

Timbow deng gewà yóm tau yó koni, bud glebeten se yóm sotu dumuhen mò nmò tehe mutóng béléen, bede olo hilu filak yóm kun utóng. Ominen tódô mogot du nan e nmò hemlong du, monen, ‘Géhél bnayadem ou ni.’

Matyu 18:32

Kewót yóm tau hol geta, bud htabahen yóm tau yó koni. Mung ktonen du, monen, ‘Tey hesek laen dù mu yóm uu. Deng hnifótu béléem yó kem tey utóng bongem lemwót bè yóm kehkoduhem béléu.

Kun Snulat Luk 7:42

Timbow là gembayad le yó kem lewu tau mutóng yó, tódô hnifóten bélê le yóm tehe nutóng le béléen yó. Bè kóm kehedem du,” mon Jisas mò ke Simun, “mahi du de bélê le yó kem lewu tau mutóng yó yóm gotu nawahen ebè yóm tau fun filak?”

Kun Snulat Luk 7:43

Mon Simun, “Déke yóm bong hnifóten béléen.” Mon Jisas se, “Tahu se yóm monem yó.”